Eri Mingob tajin b’anoj tzukunem rech kichapik ri jumulaj b’anoj k’ax ri’

133

Aretaq xk’is ri nim molinem kumal ri K’amal b’e Amaq’ ri’, eri ministro rech Gobernación Francisco Rivas Lara xuya’ ub’ixik utzijol che ri katajin che ub’anik ri taqawokajnem ri’ pa le kiq’atexik nik’aj molaj b’anol k’ax ri’.

Chi rij k’u ri’ eri taqawokajnel ri’ xuya’ ub’ixik che katajin k’iyalaj tzukunem pa komonb’alil ruk’ le Wokajil Q’atb’altzij rech b’anoj tzukunem rech kechapik nik’aj molaj b’anol k’ax xuquje’ rech k’o q’atoj tzij tojb’al kakoj chi kij rumal ri k’ax tajin kakib’ano.

 “Pa le Ministerio rech Gobernación kojuxulan taj rech keqachapo nik’aj molaj b’anol k’ax ri’ xuquje’ ri pa taq wuqq’ij ri’ kujtajin che kichapik ri’ rumal sib’alaj k’ax tajin kakib’ano aretaq kakitoq’ij pwaq chi ke winaq ri’, aretaq kakib’an kamisanik ri’ xuquje’ are tajin keqachapo nik’aj molaj e ajk’ayin awan kunab’al ri’”, xcha’ le taqawokajnel ri’.

Rumal k’u ri’ eri Wokajil Ajchajil Tinamit ruk’ ri Ministerio Público (MP) k’o k’iyalaj tzukunik ketajin che ub’anik kumal ri’.

Eri ajkejelch’ich’ ketajin che uta’ik rech kesaxik ri jun acuerdo gubernativo ri’

Are chi’ xkitayej ri jun molaj e ajkelejch’ich’ ri’ rech kesaxik ri jun acuerdo gubernativo 395-2013, ri kataqon rech kakojik ri q’an chaleco ruk’ retal uplaca, rumal ri’ eri Ministro Rivas Lara, xuya’ ub’ixik eri kakojik ri chaleco ruk’ ri casco ri’ are rech kub’sib’al kewa’katik pa taq le nima b’e ri’, xa’rumal e pa le juyub’ tinamit Iximulew ri’ qaraj k’o jun q’inomal kajilab’al chi winaq e ajkejelch’ich’ kewa’katik, xuquje’ ronojel q’ij qaraj k’o waqxaqib’ kakisolkopij kib’ pa nima b’e ri’ xuquje’ chi taq junab’ qaraj e k’o 300 winaq kekam pa taq le nima b’e rumal kakisolkopij kib’ ri’.

Rech kechomaxik are kab’an rilik ri xtotaj kumal ri’, rumal ri’ k’o jun molaj chomanem kab’anik rech kato’ik xuquje’ rech kachomaxik uwach ri’.

Utz we k’o kachomaxik kaya’ pa saq ri tzijojb’elil pa taq rajilab’al ch’a’wb’alil ri’

Eri chomanik juch’um uwach pa komon ruk’ ri Superintendencia rech Telecomunicaciones (SIT) kuk’ ri komon winaqilal pa le uya’ik pa saq ri tzijol rech ri rajilab’al taq ch’a’wb’alil ri’, eri taqawokajnel utz kuril ri are je wa’ kab’anik xa’rumal are ri tzijolil ri’ le kakojik aretaq we k’o tzukunem kab’an chi rij taq ri ch’a’wb’alil we aretaq kojom kumal nik’aj ajb’anol k’ax ri’ are chi’ kakib’an k’ax chi ke ri winaq ri’.

K’o ya’olchajinik pa taq ri Japache’ tz’apib’al ri’

Eri Rivas Lara, xuya’ utzijol che pa le reqle’nik ri Inspectoría rech ri Sistema Penitenciario k’o ya’olchajinik xaq katajinik kab’an pa taq le 20 Japache’ Tz’apib’al ri’, are rech katzukuxik we k’o tob’chokonsab’al tajin ukojik kumal ri e ajpache’ chi’, rumal ri’ k’o jujun taq jastaq raqom chi’ kojpa’ taq ch’a’wb’alil, xuquje’ k’aqb’al ruk’ taq puch’b’al ri’.

 “Eri tzukunem tajin kab’an chi’ are rech kilik xaq ma k’ot chokonsab’al jastaq kakikoj tane chi’ ri kumal ri e ajpache’ pa taq e tz’apilil wiri’, rech b’a’ man k’ot jastaq kasakonik ko’ksax tane chi’”, xcha’ ri ministro Rivas ri’.

Xuquje’ xuya’ ub’ixik che katajin ko chajinik pa taq le k’ulb’al okib’al chi’ are ri’ kakojik pa le q’ij petinaq ri’, k’o jo’ob’ rech rayox X xuquje’ k’o jo’ob’ rech scanner pa taq le okib’al rech pa jujun taq tz’apib’al chi’. 

Swiffy Output
COMPARTIR