Eri Ministerio rech Gobernación are jun pa le Chomanik xb’anik rech SEPREM

254

Eri Viceministra rech Q’alan B’anoj K’ax María Elena Orellana xk’oji pa ub’i’ ri Ministerio rech Gobernación (MINGOB) pa le Nimachomanik rech ri Secretaría Presidencial kech Ixoqib’ ri’ SEPREM.

Eri Nimachomanik ri’ are wokom uwach kumal ri k’amal b’e rech taq ri Ministerios xuquje’ kumal ri uq’ab’il ri Taqawokaj Amaq’ ri’, xa’rumal e are k’u ri’ kakib’an ri chomanem tinamit rech kakiwa’lijsaj kuwach ri junamil xuquje’ rech kakitoq’ij ri cholchak ri kuya’o nim utzilem chi ke taq ixoqib’ ri’.

Eri riqb’al ib’ ri’ are xb’anik rech kujacho ri etab’al b’anoj ri kakojik kachakuxik pa le Nimachomanik ri’ xuquje’ rech kuya’ uchuq’ob’il ri Jachakunb’alil rech Junamil Winaqil ri’ le kojom pa taq le wokajil rumal ri taqawokaj ri’.

Eri Viceministra Orellana xub’ij che ri Ministerio rech Gobernación pa amaq’el ri’ katatab’enik pa le Consejo Consutivo rech SEPREM xuquje’ tajin kuk’am ri ub’eyal ri chomanem ri’ rech uya’ik uchuq’ob’il ri chakunem kab’an ri’ k’a pa le Jachakunb’al rech Junamil Winaqil ri’.

Eri Secretaría Presidencial rech Ixoqib’, Lourdes Xitumul, xuya’ ub’ixik che eri jun urayib’al kachakuxik eri ucholaj ri’ eri taqawokajil kiwokom uwach ri Consejo Consultivo are rech kakiya’ b’a’ kitob’anik ri’ xuquje’ rech kakiya’o ri pwaqil rech tojb’al chakunem ri’ rech kachakun b’a’ ri ja Jachakunb’alil rech Junamil Winaqil ri’.

Pa le Ministerio rech Gobernación eri Jachakunb’al rech Junamil Winaqil are xkojik pa jumul chik pa le 8 rech ik’ marzo rech le junab’ ri’, are rech uya’ik tob’anik chi ke ri ixoqib’ e ajchakunel ri’. We kamik ri’ are katajin uch’ob’ik uchomaxik uwach pa komonb’al ri’, are rech kaya’taj pa saqil ri cholchak kakojik rech q’alan b’anoj k’ax chi ke taq ixoqib’ ri’, rech man k’ot b’a’ chik itzelb’anik kab’anik xuquje’ chi rij ub’anikil junamil ri’.

 
COMPARTIR