Eri Ministerio rech Gobernación katajin che b’anow tzukunik chi rij ri k’aqanik pa Hospital Roosevelt

106

Eri Ministro de Gobernación Francisco Rivas Lara, xuya’ utzijol che katajin jun nim tzukunik chi rij ri xk’ulmataj ri xb’an wi ri jun k’aqanik che ri xranij wi rib’ ri jun achi ajpache’ ub’i’ Anderson Daniel Cabrera Cifuentes, aretaq xk’am b’ik k’a pache’ Fraijanes II pa le Hospital Roosevelt ri’.
Eri Ministro Rivas, xub’ij eri keq’axaxik ri e ajpache’ ri’ eri q’atb’altzij kataqow kech ri’ xuquje’ we kamik ri’ k’o chik 3, 500 e taqom chik ri’, are wa’ nimam kitzij ri’ xuquje’ pane’ b’a’ man utz rilik kaqilo uj ri’.

Chi rij ri jun nimk’aqanik ri’, man k’ot ub’ixik ri’ we karesaj b’ik ri’ ri jun ajpache’ ri’. Pane’ b’a’ pa amaq’el k’o pa utzijoxik ri’, rumal ri’ are wa’ katajin rilik ri’ xuquje’ chi rij ri’ katajin utaqik rech kechap loq ri’ e ajmak chi rij ri’ xuquje’ rech man kak’ulmataj ta chik pa jumul chik we jun b’anow k’ax ri’.

“E k’o k’ut 200 kaminaqib’ q’atim kuwach pa we junab’ ri’, ri are wa’ ub’anom kowinem ruk’ rumal ri investigación criminal xuquje’ rumal ri inteligencia ri’, rech pa le uq’atexik kikamsaxik achijab’ xuquje’ ixoqib’ ri’”, xcha’ ri Rivas.

Sib’alaj k’o ya’olchajinik kakoj na pa taq jakununib’al yowab’ ri’

K’o jun ub’eyal ya’olchajinik kumal eqa’lenelab’ rech ri Wokajil Ajchajil Tinamit ri’ xuquje’ rumal ri Wokajil Ajchajil Amaq’ ri’ are ri’ kakoj pa taq hospitales pa nimatinamit rech ya’b’al kub’sib’al utzilem chi ke ri e ajkun kuk’ ri e yowab’ ri’.

Eri Ministro Rivas, xub’ij che ri kub’an na jun solinik wa’katem pa taq le rachoch k’olib’al rech ri Hospital Roosevelt xuquje’ pa San Juan de Dios ri’, rech keb’e che rilik le qas rajawaxik chi’ xuquje’ rech kakoj jun utzalaj wokajil ya’olchajinik chi’.

“Pa le kakichomaj ri K’amal b’e rech ri hospital San Juan de Dios xuquje’ Roosevelt ri’, k’o k’i taq uwach rajawaxik che ri qas kab’an rilik uchomaxik ri’, jacha’ pa le okib’al pa utalak’ ri mercado rech ri Guarda”, xcha’ ri Rivas.

Eri wokajil rech ya’olchajinik ri’ kek’oji pa taq le hospitales ri’.

COMPARTIR