Eri Ministerio rech Gobernación xunimaj uya’ik Upixab’nik ri CIDH

115

Eri Viceministro rech Seguridad, Ricardo Guzmán, Ricardo Guzmán xuya’ ub’ixik pa nimtzijolinik chi rij taq upixab’nik ri Comisión Interamericana rech Derechos Humnao (CIDH), chi rij ri Wokajil Japache’ (SP) pa le upetik chi’ pa we amaq’ ri’.

Eri ajpatanel ri’ xub’ij eri e ajtzijolinel xe’opan b’a’ pa taq le japache’ xuquje’ are maja’ na keb’e xkiya’ ub’ixik utzijol chi rij taq ri nab’e k’exnik ri xb’an ri’ jacha’ ri xtaqon wi ri pixab’nik ri’.

Eri kesaxik b’ik ri ixoqib’ e ajpache’ pa le Centro rech Orientación Femenina (COF) rech xeq’axaxik pa taq nik’aj chik japache’ xuquje’ jeri’ xb’an chi ke rech xjam kan uwach ri’ rech kanimarsaxik rech kek’oji wi pa le Granja Penal Pavon, rumal k’ut pa k’ax keraqataj wi pa le wokajtaqanawuj kub’ij che ya’talil chi ke utz kek’oji wiri’.

E b’a ri nim k’ax xkilo ri e ajtzijolinel eri kititz’om kib’ chi’ xcha’ are wa’ jun k’axk’olil pa le Wokajil rech Suk’umalil ri’, rumal k’ut eri q’atol tzij e are qas ketaqon b’ik kech ri winaq pache’ chi’ xuquje’ eri SP are ri’ ri rajawtzij pa le ilob’akl chak patan ri’.

Eri Wokajil Japache’ pa we amaq’ ri’ are xwokik rech kek’oji chupam e 6 mil 800 chi e ajpache’ ri’ we kamik ri’ are keraqataj chi’ e 22 mil 665 chi winaqil e tz’apil chi’ junam ruk’ jun 50% ri xaq e tz’apim ri’ eri jun chik 50% rech ketajin che utojik kimak chi’.

Are rech b’a’ kachomatajik we jun k’axk’olik naj junab’ chik k’o ri’, eri Ministerio rech Gobernación xumaj k’ut ruk’ jun cholchak rech uya’ik uchuq’ab’ ri yakon rachoch japache’ ri’ xuquje’ rech kakojik ri’ rech ketaq chi’ ri xaq ketz’apib’ ri’, jacha’ ruk’ ukojik ri ya’olchajinik chi ke ub’i’ telemático, qaraj are wa’ kakojotaj pa jun chik junab’ ri’, rumal k’ut eri jun chakunik ri’ are katajin uya’ik  pa k’ayij b’anow uchakuxik ri’.

COMPARTIR