Eri Ministro Francisco Rivas xk’oji pa le nab’e molin ib’ chomanik ruk’ ri PNC

235

Eri Ministro rech Gobernación, Francisco Rivas Lara, ri k’a te xoksaxik, xk’oji pa le nab’e molin ib’ chomanik kuk’ ri taqanelab’ rech ri Wokajil Ajchajil Tinamit, rech xreta’maj uwach uchak upatanik ri wokajil ajchajil tinamit ri’ pa we amaq’ ri’.

Eri k’amal b’e rech ri Wokajil Ajchajil Tinamit, Nery Ramos y Ramos, xuya’ utzijoxik che ri Ministro Rivas, che ri wokajilal ri’ k’o keb’ uk’amoj ub’eyal ri’ ruk’ b’elejeb’ k’amoj b’e e k’o qaj ri’, xuquje’ rech xkijacho ri ub’ixkilem ri jujun taq uwokajil ri’.

Eri Wokajil Ajchajil Tinamit e uk’amom ri’ e 35 mil 426 eqa’lenelab’ ri’ e 30 mil 302 achijab’ chi ke xuquje’ e k’o 5 mil 120 ixoqib’ chi ke ri’, ri e taqom b’ik loq pa taq 650 k’olib’alil pa juntir we amaq’ tinamit ri’.

Eri Taqawokajnel Ya’olchajinik pa Amaq’ ri’ xuya’ ub’ixik ri’, eri Wokajil Ajchajil Tinamit e are ri’ jun nim tob’ab’al che ri Ministerio rech Gobernación ri’ xuquje’ kuya’ ri’ ronojel tob’anik che we wokajil ajchajil tinamit ri’, xa’rumal pa kiq’ab’ k’ut k’o wi kitob’ab’al ri kik’aslemal ri winaq tinamit ri’.

Xuquje’ sib’alaj xuya’ ub’ixik che katerenb’exik kichotajik ri eqa’lenel ajchajil tinamit ri’, xa’rumal rajawaxik k’ut kasaqab’saxik kuwach ri wokajil ajchajil tinamit ri’, xa’rumal xa’ e jub’ik ri e itzel kib’an chi ke ri eqa’lenelab’ ri’ ri keraqataj chi kuxo’l ri ajchajil tinamit ri’.

Nota: Wendy Álvarez.
Fotos: Roberto López.

COMPARTIR