Eri Ministro Francisco Rivas xkub’isaj uk’amik uq’ab’il uchak upatan ruk’ ri amaq’ ri’

1054

Pa ya’oltzijolinem eri Ministro Francisco Rivas Lara xkub’isaj ub’ixik che k’o na pa le Taqawokajnem rech Gobernación xuquje’ kachakun na rech kuterenb’ej ub’anik uchak patan rech ya’ol utzilem xuquje’ ya’olchajinik pa le winaq tinamit e aj iximulew ri’.
Eri taqawokajnel ri’ xub’ij che ya’tal ri’ rech katzijon ruk’ ri Nimak’amal b’e rech Amaq’il, Jimmy Morales chi rij jas che karesaj rib’ pa le chak patan ri’ emu wari’ xuquje’ qas xuchomaj k’ut rech kak’oji chi na pa jumul chik ri’ are rech k’o utzilem kub’an pa le chak patan ri’ xuquje’ rech kuk’am ub’eyal ri chomab’al jacha’ rech ri ya’olchajinik xuquje’ rech suk’umalil k’a pa le Organismo Ejecutivo ri’.

“We jun b’anow chomanik ri’, are qastzij k’o pa usaqil usuk’al ri’, are wa’ uya’om jun ya’talil ri’ rech uterenb’exik wari’ xuquje’ rumal ri’ kaqaterenb’ej ub’anik ri chak patan pa we amaq’ ri’, chuwach ri Ministerio rech Gobernación xuquje’ we kamik ri’ kinkub’isaj ub’ixik che kink’am pa weqa’lenib’al chuwach ri winaq tinamit rech Iximulew ri’”, xcha’ ri Rivas.

Xuquje’ xub’ij che we man k’ot katoq’an rech, man k’ot jun winaq tane’ kasimow rech pa le eqa’lenem ri’ xuquje’ ya’tal ri’ ronojel ri tob’anik chech ri’ xuquje’ xuya’o utzij ri Nimak’amal b’e  Morales ri’ pa le upatanixik ri cholchak che ri chomam ri’.

“Kuwaj in kink’oji pa jun k’amow ib’ pa joremal ri’, kuwaj ri’ kinterenb’ej ub’anik le utzil xuquje’ ri ya’olchajinik chi ke ri winaq tinamit e aj iximulew ri’ ri’ che ronojel q’ij kakikoj kichuq’ab’ pa kak’oji jun loq’ utzalaj amaq’ tinamit ri’”, xcha’ ri Rivas.

Rumal ri’ eri K’amal b’e Morales, xub’ij che ri Taqawokaj rech ri Ministros katajin na pa uwokajil ri’, xuquje’ eri jujun chi ke ri kek’oji na chuwach ri taq taqawokajnem ri’ ruk’ ronojel kanima’ pa ya’ol ri loq’ nimanik chi ke ri winaq tinamit ri’.

COMPARTIR