Rumal k’ut ri tzijol che ri xk’am uwach ri’ pa taq le tzukunem ya’olchajinik xb’an pache’ ri’ xuquje’ chi rij k’ut le xraqataj ri’ pa le keb’ b’anow tzukunem chi’ xuquje’ ruk’ ri wa’katib’al ya’olchajinik xb’an pa taq le zonas 18 xuquje’ pa 21 xta ri che ri Komon K’amal b’e pa B’anol Taqanib’al pa Amaq’il ri’ rech kakoj jun k’ak’ Ub’antajil Taqanem rech k’o nimq’atow tzij chi kij ri nik’aj molaj b’anol k’ax rech ri Mara Salvatrucha xuquje’ ri Mara 18 jacha’ tane’ e nima’q taq banol k’ax kamisanik ri’, xcha’ ri Ministro rech Gobenación, Enrique Antonio Degenhart Asturias ri’.

“Sib’alaj rajawaxik kaqakuch ta ri q’ij ruk’ jun uwi’q’ab’, eri winaq e aj iximulew ri’ kojtajin k’ut che uk’ulik nima’q taq k’ax kumal nik’aj molaj b’anol k’ax kamisanik ri’, eri e are ri’ k’o nima’q taq k’aqb’al tajin kakikoj chaqe pa le b’anow k’ax ri’”.

Eri Degenhart Asturias, xub’ij chik ri’, che are kuta che ri loq’ taqanel pa taqawokaj rech ri Estados Unidos rech kekoj pa cholb’i’aj ri’ che ri nik’aj molaj b’anol k’ax ri’ e sib’alaj e b’anol k’ax kekamisanik rech kakoj kib’i’ pa le jachakunb’al rech ri OFAC (Jachakunb’al rech Chajin Umeb’il Jastaq Winaqib’ pa Uwachulew ri’) pa le uchak patan ri Departamento rech Upwaqil Umeb’il we jun Amaq’ la’.

“We nik’aj taq b’anow ri’ are rech kuk’am ub’e qachak rech q’atel b’anow k’ax ri’ xuquje’ rech kuya’o uchuq’ab’ ri ya’olchajinik winaqilal ri’”, xcha’ ri.

Eri tzukunem ya’olchajinik xb’antaj kanoq

Pa majb’al rech ri wuqq’ij kanoq are xmajtaj chi’ jun nimalaj b’anow tzukunem pa taq ri japache’ xuquje’ pa keraqataj wi ri molaj b’anol k’ax kekamisanik ri’ xuquje’ rumal b’a’ ri ya’olchajinik che ri xb’anik ruk’ wa’ xb’antaj kowinem xraqaik jun nimalaj jumulaj k’aqb’alil, ruk’ poq’sab’alil, puchb’al xuquje’ ruk’ k’i taq jastaqil rech b’anow k’ax ri’, xcha’ ri taqawokajnel rech ri Taqawokajnem rech Ya’olchajinik pa Amaq’ ri’.

Ruk’ utob’anik ri jachakunb’al rech Inteligencia rech ri Sistema Penitenciario (SP) xuquje’ rumal ri’ ri Secretaría rech Inteligencia Estratégica, xb’antaj kowinem xch’ob’otajik che ri xraqataj wi ri uk’olib’alil ri k’aqb’alil ri’, rumal ri’ pa le q’ij iwir xmajtaj xaq k’a te’et b’anow taq tzukunem ya’olchajinik ri’ xuquje’ rumal ri’ we kamik xmajtajik uwa’katexik ri ya’olchajinik pa komonb’al ri’ rech uq’atexik ri b’anow k’ax pa taq le zonas 18 xuquje’ pa 21 ri’, xcha’ ri Degenhart Asturias.

K’o jun winaq kaminaq chik xraqatajik tajin kapoq’arik ri’

Xub’ij chik rumal k’ut ri ya’olchajinik xb’an ri’ xb’antaj kowinem xraqataj le jun winaq ak’al na kaminaq chik tajin upoq’arik ri’ are ya’om utzil sachinaq pa le alerta Alba – Keneth, are sachinaq lajuj q’ij chik ri’, jeri’ xraqatajik jun jumulaj awan kunb’alil kolom pa taq ja ri’.

“We jun tzukunem ya’olchajinik ri’ are xaq k’a te’et xterenb’exik ri’ rech q’atel taq k’ax ri’ k’a pa viernes kanoq, eri ub’eyal ya’olchajinik ri’ are sib’alaj katerenb’ex ub’anik ri’ are kak’ij ruk’ jun nimalaj b’anow tzukunem chi rij ri’ xuquje’ k’o sak’ajil tzukunik kab’an na chi rij ri’”, xcha’ ri Ministro.

Jas ub’antajil ri OFAC

Eri winaqil che ri kekoj pa chak ri’ jeri’ ri ketob’an che ya’ow pwaq kuk’ ri’ e are kekoj pa le cholb’i’aj ri’ pa le OFAC ri’, xuquje’ are kekoj che nima’q elaq’omab’ b’anol k’ax pa uwachulew ri’, jeri’ ri e ajkunb’alil ri’ xuquje’ kachomax kij jacha’ pa taq le taqanik b’anom rumal ri B’anol Taqanib’al rech ri EE.UU. ri’.

COMPARTIR