Eri Ministro rech Gobernación Degenhart Asturias xuya utzijol uchak kub’an ri’

322

Oxib’ uwach ri uchak kub’an pa le Ya’olchajinik Winaqil, pa le kub’sib’al k’u’x uwach wokaj poq’san chak meb’il xuquje’ pa le Kub’sib’al K’u’x pa taq tinamit pa uwachulew ri’ pa le q’atenik b’anow k’ax ri’ are ri’ qas uwach uchak pa le taqawokaj ri’ ri Ministro rech Gobernación k’a xok ri’, Enrique Antonio Degenhart Asturias, rumal ri K’amal b’e Amaq’ Jimmy Morales.

Pa le nab’e taq utzij xuya’o eri k’ak’ Taqawokajnel Ya’olchajinik ri’ xub’ij “Sib’alaj maltyox che ri K’amal b’e Amaq’, Jimmy Morales xuquje’ chi ke ri wokaj rajpatanel ri kub’sib’al k’u’x tajin kechakun ruk’ pa le taqawokaj xuquje’ pa le ya’olchajinik kub’sib’al k’u’x ri’”.

Xub’ij k’ut “Eri nuchak pa taqawokaj ri in in ministro rech Gobernación eri qas nuchak ri’ are kink’am ub’e rech pa le qas uq’atexik b’anow k’ax ri’, eri ub’anikil q’atenik k’ax ri’ are wa’ qas utz upatan ma are ta uwach jun chomab’al che ri maj uchuq’ab’ ta ri’ are wa’ kuya’ uchuq’ab’ pa taq le uq’ijol chak patan ri’”.

Xub’ij chik che ri jumulaj uchak patan pa le taqawokaj ri’, are b’anow chajinik xuquje’ pa jikomal b’anow ya’olchajiik pa wokajil ri’ are wa’ kapatanix pa aninaqil ri’, are wa’ kab’an pa juntir jun q’ij ri’ pa juntir we junab’ ri’ rumal k’ut are wa’ k’o uwach ruk’ ronojel pa taq we q’ij ri’ xuquje’ ruk’ ub’antajil kik’aslemal ri winaqilal ri’, pa taq le ja k’olib’al, pa taq le chak xuquje’ pa taq tijob’al ri’.

Xkub’isaj ub’ixik che we amaq’ tinamit ri’ man utuke’lem ta rib’ pa le uk’olib’alil ri’, are b’a’ qas k’o pa le oxk’ut paqalem centroamericano ri’ chi’ qas keraqataj wi ri nuk’wokaj b’anol k’ax ri’, ri k’ayin awan kunb’alil, ri kaq’ax wi awan kunb’alil, ri k’aqb’alil ri kab’an wi k’ax che ri kik’aslemalil ri winaq ri’ pa le paqalem rulewal uk’u’x rech América ri’ rech kab’an maj b’anow k’ax chi’ chi ke ri qalk’uwal ri’.

E pa le utzilal rech uq’atexik b’anow k’ax ri’ are rech keq’atatajik, jewa’ xuya’ utzijol ri Ministro ri’.

Eri wokajil e ajya’el chajinik pa Taqawokaj pa Amaq’ ri’ chi’ k’u ri’ konojel ri viceministros kuk’ ri k’amlab’e rech ri Taqawokajil ri’ rech kakikoj kichuq’ab’ pa le q’atel b’anow k’ax ri’.

“Kaqaya’ ta b’a chi ke ri e q’apoj alab’om alitom rech kek’oji che b’anow k’ax pa taq awalik ri’, rech man b’anow elaq’ kumal, rech ke’ok taq kuk’ ri molaj b’anol k’ax xuquje’ rech kakich’ob’o we k’o kuwach kuk’ ajb’anol k’ax k’o kikamik chi rij ri’, rumal ri’ are rajawaxik kawok uwach pa komon jun nim ub’anikil chomanem rech q’atenik b’anow k’ax ri’ xuquje’ rech k’o pa kak’iyemal ri’ xcha’ ri K’amal b’e Amaq’ Morales ri’ rech kach’ob’otajik che are wa’ rajawaxik kaq’atexik pa we amaq’ ri’”, xcha’ ri taqawokajnel Ya’olchajinik pa Amaq’ ri’.

Xuquje’ xuya’ ub’ixk che ri achb’ilanem ri’ kumal ri amaq’ tinamit e k’o quk’ chi rij uchoamaxik ya’b’al ilonem chi rij ri rajawaxik chi ke ri q’apoj alab’om alitom e aj iximulew ri’ xuquje’ pa le kib’antajil juntir ri winaq e achalalil ri tajin kachomaxik kumal taq ri wokajilal ri’.

Eri Degenhart xub’ij ri’ che ri ya’olchajinik ri’ are kamajtaj ub’anikil pa taq achochib’alil kumal ri achalalil ri’, kumal ri winaqilal che ri jachatil pa tinamit ri’ che ri kanajtib’ taj kumaj b’anow k’ax ri’, rumal ri’ kaqata chi ke ri winaqilal e achalalil e aj iximulew rech ketob’anik ruk’ ri q’atel b’anow k’ax ri’.

Eri Ministro sib’alaj xuya’ ub’ixik che pa le uchak patan pa le taqawokajnem ri’ are karaj kub’an pa saqilem ri’ pa le taqawokajil ri’, rumal ri’ katob’an ri’ pa le b’anow komonchak ruk’ ri Ministerio Público xuquje’ ruk’ ri Comisión Internacional Contra la Impunidad pa Iximulew (CICIG) are rumal wari’ we pa komon ub’anik ri ya’olchajinik chi ke aj iximulew ri’ pa le q’aten b’anow elaq’ pa taqawokajil ri’.