Eri Ministro rech Gobernación Francisco Rivas xuya’ utzijol che kaya’ kibono e ajtijoxel kalk’uwal ri PNC che ri e kaminaq pa ya’olchajinik ri’

1015

Ruk’ ri xjuch’ k’ut ri Acuerdos de Paz che xuya’ pa saq xoksax ri Wokajil Ajchajil Tinamit pa le decreto 11 – 97, rumal ri’ xumaj uchak patan pa le 15 rech julio ruk’ e 4 mil eqa’lenelab’, 20 junab’ chik kojom chik are pa kiwokajil kino’jb’em kib’ pa Iximulew ri’ le 37 mil chi eqa’lenelab’ pa konojel ri’.

Pa le unimaq’ij rech xutz’aqatisaj 20 ujunab’ ri Wokajil Ajchjajil Tinamit (PNC), eri eqa’lenelab’ rech taq jalajoj pa kiwokajil ri e ajchajil tinamit xkib’an jun cholb’inem pa le zona 1 pa uk’u’x nimatinamit ri’, rech xkik’ut chi kuwach ri winaq tinamit e aj iximulew che kena’w che ub’anikil ya’olchajinik pa kiwokajil ri’.

Pa le Cho ja nimrachoch uk’u’x Amaq’ Nimatinamit ri’ nim xek’ul panoq ri Ministro rech Gobernación, Francisco Rivas Lara, ruk’ ri nimk’amal b’e rech Amaq’il, Jimmy Morales; ruk’ ri ukab’ nimk’amal b’e, Jafeth Cabrera; ri nab’e nanaxel, Patricia de Morales; ri Viceministros rech Seguridad, Ricardo Guzmán; ri Administrativa, María del Rosario Xicara; ri Q’atel b’anol k’ax, Axel Romero; ri rech Tecnología, Gabriel Juárez Lucas; ri K’amal b’e rech ri PNC, Nery Ramos Ramos xuquje’ ri Taqanelab’ rech Ajchajil Tinamit ri’.

Pa jun nim ilb’anik eri q’atb’altzij ri’ xkib’ij chi ke ri taqanelab’ kuk’ ri eqa’lenelab’ rech ri Wokajil Ajchajil Tinamit rech kakiya’ panoq jun nim ki’kotirsab’al chi ke juntir ri’ rumal xe’opan pa le Nimaq’ij rech Juwinaq Ujunab’ ri’ xuquje’ xkib’ij chi ke che loq’ ri kichak patan kakib’an pa ronojel taq q’ij kiya’om pa k’ax kekamisaxik pa taq qatinamit pa we amaq’ pa le ya’olchajnik chi ke ri winaq tinamit e aj iximulew ri’.

Eri Ministro Francisco Rivas xuya’ ub’ixik che ri PNC ri’ e 37 mil chi eqa’lenel pa konojel ri’ ri sib’alaj kino’jinim kib’ pa le ya’olchajinik kakib’an pa kiwokajil pa tinamit ri’ xuquje’ rumal ri tijow chuq’ab’ kakib’an pa le kichak patan pa tinamit ri’.

“We kamik ri’ e ri’ix chi jujunal k’o jun nimachak rech ya’olchajinik chi ke ri winaqil xuquje’ ri winaqilal ri’, pa le ja’mril utaqanem tinamit pa le utob’ab’ik kuwach ri q’atb’altzij ri’”, xcha’ ri Rivas.

Xuquje’ xuya’ ub’ixik che uj aj q’atb’altzij ri’ kojchakunik rech kaqaya’o utzalaj b’anikil pa le qachak patan ri’ xuquje’ rumal ri’ e k’o eqa’lenel ri’ rumal ri kichak patan pa le ya’olchajinik winaqil ri’, xekam ri’ rumal ri’ xkiya’ kanoq kalk’uwal kachalal ri.

“We kamik ri’ eri kaqaj uj are keloq’ox ri taq ak’alab’ che ri kiraqom b’is k’ax ri’ xuquje’ ri man k’ot chik kitat nan ri’ xuquje’ le ixoqib’ e malka’n ri’ rumal xk’am kachib’il pa le PNC ri’”, xcha’ ri Rivas.

Eri Ministro Rivas xuya’ ub’ixik che rumal ri taqanik ri nimk’amal b’e amaq’ xutaq ub’ixik che kaya’ik jun kibeca ri e ajtijoxel rech tijonem primario k’a pa Nimatijob’al chi ke taq ri ak’alab’ taq ala taq ali che ri xkam kitat pa le ya’olchajinik ri’, xuquje’ ya’tal ri’ jun kibono chi junab’ taq ri ixoqib’ e malka’n ri’ che ri xkam kachajil pa taq ya’olchajinik pa tinamit ri’.

Eri Nimk’amal b’e rech Amaq’il Jimmy Morales, xuya’ ub’ixik che loq’ kichak kipatan ri eqa’lenel rech e ajchajil tinamit xuquje’ ri eqa’lenelab’ che xekam ri rumal xeraqataj pa ya’olchajinik aretaq xekamik.

“Eri kik’aslemalil we achijab’ xuquje’ le ixoqib’ ri’ man kesach kanoq ri’ e are e qaloq’ xuquje’ kaqanimaj kiq’ij ri’, e are e retal loq’ taq winaq pa tinamit ri’ rumal xkiya’o kib’ pa le kichak nimanem ri’ pa Iximulew ri’ pa le Wokajil Ajchajil Tinamit ri’ rumal ri’ ronojel wanima’ rech kajach’ ri becas ri’ rech kakub’isax uwach katijob’enik xuquje’ ri ya’ol utzilem chi ke taq ri ak’alab’, kalk’uwal xuquje’ kimi’al ri e ajchajil tinamit che xekamik pa le q’atel b’anow k’ax ri’”, xcha’ ri Nimk’amal b’e Amaq’ ri’.

Xuquje’ rech kinya’o ub’ixik che pa le k’ulb’al nimaq’ij rech xutz’aqatisaj 20 ujunab’ chik ri PNC ri’ xe’alax k’i taq n’ab’al ri’ che ri kakitoq’ij ya’ol tob’anik ri’ xuquje’ ri kuya’ uchuq’ab’ ri chak patan ri’, rech kojtzalij ta chaqij ri’, rech kujtzaq taj chuwach ri k’axk’olil ri’, rumal k’ut qeta’m che ri PNC ri’ k’o jun nimalaj uchuq’ab’il che kuk’ut chi kuwach ri winaq e aj iximulew ri’ che qastzij kiya’om kanima’ ruk’ ri ya’olchajinik ri’.

COMPARTIR