Eri Ministro rech Gobernación xuya’ ub’ixik ri qas katajin che upatanixik chi rij ya’olchajinik chi’ pa Estados Unidos

174

Eri Ministro rech Gobernación, Enrique Antonio Degenhart Asturias, xmolin ruk’ ri Secretaria rech Seguridad Nacional rech Estados Unidos Kirstjen M. Nielsen, ri xuki’kotirsaj rumal xok che taqawokajnel rech Ya’olchajinik pa Amaq’ ri’.

Pa le molin ib’ ri’ xmolin pa Washington, Nielsen xuquje’ ri Degenhart xetzijon chi rij ri chak patan ketajin che ub’anik pa komonb’al ri’, rech uk’ub’isaxik uya’ik jun nimalaj ya’olchajinik pa taq rulewal ri’, rech uq’atexik b’anow elaq’ pa taqawokajil ri’ xuquje’ pa le kiq’atexik ri molaj b’anol k’ax ri’, jeri’ pa le uya’ik jun utzalaj tzijob’enik chi rij le tob’anik pa uwachwuj pa kemamtzij ri’.

Xuquje’ eri Ministro rech Gobernación ri’ xuya’ ub’ixik ri qas katajin che upatanixik ri b’anow jun utzalaj ya’olchajinik pa k’ulb’a’t juyub’ ri’, pa kaqiq’, pa taq tinamit xuquje’ pa uwi’ palow ri’, rech kiq’atexik ri nuk’wokaj b’anol k’ax pa taq naj tinamit ri’ (TCO), rech kiq’atexik nik’aj molaj b’anol k’ax xuquje’ ri maj pa usaqil  kiq’axnik winaq chi’, rech keq’atexik maj chik kok’owik taq ak’alab’ e b’enaq katukel ri’.