Eri Ministro Rivas xtotab’enik pa le Chomanem Tinamit ri’

166

Eri Ministro rech Gobernación Francisco Rivas Lara are jun xtotab’enik pa le riqb’al ib’ rech ri “Chomanem Tinamit, pa uk’exik uwach ri q’atoj tzij pa Iximulew ri’”, are ri’ jun ch’ob’otal chak kumal ri nima k’amal b’e rech ri Oxib’ Taqawokaj rech uchomaxik tinamit ri’.

We jun ch’ob’otal chak are xk’utunik rech kasuk’ub’axik kak’exik pa uwokajil ri q’atoj tzij chi’, are ri’ xub’an che ri Nima K’amal b’e Jimmy Morales xuquje’ ri K’amal b’e rech ri Organismos Legislativo, Mario Taracena xuquje’ ri k’amal b’e ajq’atol tzij Ranulfo Rafael Rojas Cetina xesik’ixik pa le Nima riqb’al ib’ rech Chomanen Tinamit ri’, are rech katzijoxik kachomaxik rech ri nim yab’al tob’anik rech kaq’atexik ri q’ub’an itzelb’anik pa taq le taqawokaj pa amaq’ ri’.

Eri ub’anikil ri sik’inik xb’an pa le riqb’al ib’ choman tinamit ri’, eri Ministro Rivas xuya’ ub’ixik che no’jimal ri winaq tinamit ke’ok pa le Taqawokaj Tinamit rech Suk’umalil pa we amaq’ ri’ k’o nim utzilem kakiya’ k’ut pa tinamit ri’.

Are xb’antaj kowinem xwok uwach ri Taqawokajil rech ri Secretaría Técnica rech ri Chomanem Tinamit ri’, are kiwokom uwach rumal ri’ Fiscal General, Thelma Aldana; ri Iván Velásquez, Comisionado Internacional rech q’atenik itzelb’anoj pa taqawokajil pa Iximulew ri’; ri Jorge De León Duque, Nim Q’atol tzij rech Ya’talil Winaqil; ri Alberto Brunori, K’amal b’e chi’ pa Iximulew rech ri Nim Taqawokajil rech ri Naciones Unidas rech ri Ya’talil Winaqil ri’ xuquje’ ri Verónica Simán, K’amal b’e chi’ rech ri Taqawokajil rech ri Naciones Unidas chi’ pa Iximulew ri’.

Eri Nima K’amal b’e Morales xuya’ ub’ixik, che “Ri chomanem ri’ ruk’ ri ub’eyalil are kuya’ nim utzilem pa Iximulew ri’, rumal ri’ eri K’amal b’e rech ri oxib’ uwach ri Taqawokajil ri’, kaqajach ri’ jun ch’ob’otal chak rech kajalik pa ka’mul ri ri ub’anikil ri q’atoj tzij chi’”.

Eri chomanem ri’ k’o nim chak chomanik kumaj ri’, rech kukojo che ronojel ri winaqilal tinamit ketob’anik pa uwokik uwach jun cholchak rech kak’exik uwach ri pa uwokajil ri b’anoj q’atoj tzij ri’.

Eri chomanik ri’ are kab’anik kojpa’ ri k’o pa jun wujilal ri’ chupam k’ut k’o wi ri ub’anikil b’anoj k’exnem ri’, are chakum kumal ri e oxib’ uq’ab’ ri taqawokaj ri’ ruk’ utob’anik ri Secretaría Técnica, eri wujil ri’ are ya’talil ri’ pa taq le riqb’al ib’ chomanik pa le waqxaqib’ tinamit ri’, kojpa’ pa Xe’laju’, pa Chinab’jul, pa Alta Verapaz, pa Zacapa, pa Petén, pa Jutiapa, pa Sacatepéquez xuquje’ pa Nimatinamit rech Iximulew ri’.

Kujuch’ na uwach rech Nuk’chomanem rech komonb’al tob’anik ri’

Eri Ministro Rivas xuya’ ub’ixik che pa we keb’ oxib’ petinaq ri’ kab’e ri’ pa Washington pa riqb’al ib’ kuk’ ri k’amal b’e rech ri Oficina rech Migración rech ri Departamento rech Estado rech ri Estados Unidos, are rech kakijuch’u ri nuk’chomanen rech tob’anik k’o chik pa wujilal ri’ rech kakojik jun Wokajil rech B’anoj Tzukunem rech q’atenik b’anoj k’ax kekoj wi ri winaq ri’.

Pa ub’ik chi’eri taqawokajnel ri’ xuquje’ kak’oji pa riqb’al ib’ ruk’ ri Secretario xuquje’ ri Subsecretario rech Homeland Security rech kakib’an jun juch’unik rech chomanem ri’ xuquje’ ri nuk’chomanem rech ya’tal pa chajinem kiq’axnik ri winaq pa taq amaq’ ri’.

Swiffy Output
COMPARTIR