Eri Ministro Rivas xya’taj retalil eqale’n che ub’i’ Orden Cruz de Oro

487

Eri k’amal b’e rech ri Wokajil Ajchajil Tinamit (PNC), Nery Ramos pa le unimaq’ij rech xtz’aqat juwinaq ujunab’ ri’ pa le uchak patan katajin wiri’ are wa’ kaloq’ox rumal ri Ministro rech Gobernación, Francisco Rivas Lara pa le ya’olchajinik, suk’umalil xuquje’ joremal pa Iximulew ri’.

Eri K’amal b’e Ramos xujach ri na’itib’al eqa’lenem ri’ ub’i’ Orden de Merito pa le unimal ri Cruz de Oro che ri Ministro rech Gobernación Francisco Rivas Lara xxuquje’ che ri Viceministro rech Seguridad Ricardo Guzmán rumal ri loq’ uchak upatan ri’ xuquje’ rumal are jun pa le b’anow taq tzukunik pa uq’ijol ri’ pa le kiq’atexik ri nik’aj molaj b’anol taq k’ax ri’ ri e k’o e 9 chi Ajchajil Tinamit Xekam kumal ri’.

Eri loq’ob’al eqle’mnik ri’ ceh ri xjach che ri Ministro Rivas xuquje’ che ri Viceministro Guzmán are jun retal jun nim loq’ q’ijolil che ri k’utunsam pa le utaqanik ri PNC ri’.

“Maltyox che ri Ministro ri’ rumal k’o nim uloq’ob’al pa amaq’ ri’, are wa’ jun nim q’ijol uya’om pa le k’amow b’eyanik ri’ pa le taqawokajnem rech Ya’olchajinik pa Amaq’, rumal k’ut pa le ub’antajil we jun wokajil ri’ are uya’om nim tob’anik che pa le uloq’oxik uwach rech ub’anik chupam taq le rachoch xuquje’ le upatanixik ri’”, xcha’ ri Ramos.

Pa le jun loq’ ilb’anik ri’ le nim rumal ri Ministro Rivas xuquje’ xuya’ jun nim na’tinem ri’ ub’i’ Orden Cruz de Oro che ri Nimk’amal b’e Amaq’ Jimmy Morales xuquje’ che ri  Vicepresidente Jafeth Cabrera rumal le uchak patn uya’om che ri PNC ri’, rumal utob’anik uya’om pa le jujun taq b’anow chakunem ri’, pa le tijob’enik che, pa le b’anow tzukunik ri’, pa le ya’olchajinik winaqil xuquje’ pa le q’atel b’anow k’ax ri’.

“Sib’alaj maltyox che ri Nimk’amal b’e ruk’ le ukab’ nimk’amal b’e ri’ rumal le nimtob’anik kiya’om pa le taqawokajil ri’, jeri’ chi kijujunal pa le kik’aslemal ri e 37 mil eqa’lenelab’ rech ri PNC, rumal jun nimya’oltb’anem pa amaq’el ri’ man xaq ta ri’ we kamik xane’ jeri’ ya’b’al tob’anik kib’anom chi ke ri e k’o pa rajawaxik ri’ pa taq le k’ax tajin kakik’ulmaj ri’”, xcha’ ri Rivas.

Eri Ministro xub’ij chik che k’o nik’aj cholchak katajin upatanixik ri’, jacha’ ri uloq’ik ri 3 mil chi ch’ich’ rech pa le ya’olchajinik pa tinamit ri’, jeri’ k’o jun cholchak rech b’anow tijob’en ib’ ri’ chi ke e 4 mil chi k’ak’ eqa’lenel rech ri PNC, xuquje’ k’o rech jun cholb’al chak rech tzijob’enik xuquje’ rech no’jb’anemal rech chi ke jujun taq eqa’lenelab’ ri’, rech ya’olchajinik chi ke ri winaq tinamit ri’, chi rij wari’ sib’alaj rajawaxik kitob’anik ri q’atb’altzij ruk’ pa le b’anow chomab’al tinamit ri’.

Eri maltyoxinik ri’ rumal ri K’amal b’e Ramos, xub’ij k’ut che ki’kotem xuya’ ub’ixik che ri Nimk’amal b’e Amaq’ ruk’ ri Ukab’ Nimk’amal b’e rumal kitob’anik pa le chomab’al tinamit ri’, rumal xkich’ob’o che k’o nim upatanil ri wokajil ajchajil tinamit pa le ya’olchajinik chi ke ri e aj iximulew ri’ xuquje’ rumal uya’ik le chakub’al che rajawaxik ri’ pa le b’anow utza uchak upatan ri PNC ri’.

Eri q’atb’altzij ri0 xuquje’ xiya’ jun nim na’tib’al ri’ Cruz de Oro chi ke e 14 eqa’lenel rech ri PNC rumal xkiya’ kib’ pa k’ax kamikal pa le unimaxik kichak patan pa le ya’olchajinik chi ke ri winaq tinamit e aj iximulew ri’.

Eri loq’ ilb’anik ri’ are xil kumal e k’iyalaj winaq e aj iximulew ri sib’alaj utz xkil kichak kib’anom ri PNC ri’ pa le ya’olchajinik pa kik’aslemaml ri winaqil ri’ xuquje’ pa le uchajixik loq’ ujastaq umeb’il we amaq’ ri’.

COMPARTIR