Eri Ministros xkiya’ ub’ixik ucholaj che rajawaxik kak’oji na ri Korlim Ya’olchajinik pa Ixchiguán xuquje’ pa Tajumulco

213

Eri patanelab’ rech ri Ministerios xetatb’en pa le b’anow chomanik rech ya’b’al utzilem chi ke ri winaq rech taq ri tiamit rech Ixchiguán  xuquje’ Tajumulco ri’, xkiya’ ub’ixik che rajawaxik k’ut kak’oji na ri Korlim Ya’olchajinik chi’, are wa’ xkiya’ ub’ixik pa le molin ib’ e sik’im wi kumal ri ajb’anol taqanib’al xuquje’ ruk’ ri komon chomanelab’ rech ri Wokajil B’anol Taqanib’al pa we Amaq’il ri’.

Eri Ministro de Gobernación, Francisco Rivas Lara, xuya’ utzijol che rajawaxik kak’oji na ri Korlim Ya’olchajinik chi’, rumal resaxik uchupik uwach ri tiko’nib’al rech amapola, rumal kewa’kat chi’ ri ajk’ayin awan kunb’alil xulunik che ri México pa taq ri tinamit ri’ xuquje’ rumal kichapom juntir taq ri tinamit che ri qas e k’o wi ak’alab’, ri’j winaq xuquje’ ixoqib’ keraqataj pa taq meb’a’il ri’ pa le keb’ tinamit ri’.

“Pa juntir wa’ eri Amaq’il ri’ are wa’ pa juntir ke’uchomaj ri’, man xaq ta ri’ rech ya’olchajinik chi’ rumal ri Ministerio rech Gobernación xuquje’ pa le Ministerio rech ri Defensa ri’, xane’ xuquje’ rech kechomaxik pa le meb’ilem pwaqil xuquje’ pa le kino’jk’aslemamtzij ri’”, xcha’ ri Taqawokajnel ri’.

Eri Rivas Lara xuya’ ub’ixik che are sib’alaj rajawaxik man xaq ta ri’ ketaq e ajchajil amaq’ tinamit chi’, xane’ sib’alaj rajawaxik k’o pa uramajil chak patan kiya’taj chi’ rech kakik’iyirb’ej kib’ pa le keb’ tinamit ri’, xuquje’ rumal ri’ chi rij wa’ eri Organismo Ejecutivo sib’alaj katajin ukojik uchuq’ab’ ri’, k’amatil ub’e rumal le Nima K’amal b’e amaq’ pa le upatanixik ri cholchak chi’.

“Are chomatal chik kayak rachoch jun nimaja rech kekunax wi winaq ri’, rumal ri’ eri Ministerio rech Desarrollo kukoj ri’upwaqil umeb’ilal  chi’ xuquje’ ri  Ministerio rech Agricultura are ri taqawokajil ri kuya’o pa saq ub’anik tiko’n pa taq juyub’ ri’ xuquje’ eri uj ya’tal chaqe rech kaqaya’o chajinik ri’ ruk’ joremal pa taq le tinamit ri’ rumal sib’alaj naj chik katajin ri ch’ojinik chi kuwach ri winaq tinamit ri’”, xcha’ ri Rivas Lara ri’.

COMPARTIR