Eri molaj chakub’al rech ukiy no’jb’anem are nimalaj xtob’anik pa le esan rech ri Amapola

251

Eri winaqil rech taq ri aldeas xuquje’ caseríos rech de Ixchiguan y Tejutla pa le juyub’ tiamit rech  San Marcos, chi’ k’u ri’ eri Quinto Viceministerio pa le upatanil ri Subdirección General rech Análisis xuquje’ Información Antinarcótica (SGAIA) k’o jun resaxik tiko’n rech Amapola xkib’an ri’ ruk’ utob’anik ri chakub’al rech no’jb’anikilem rumal are sib’alaj xkoj pa amaq’el chi’.

“Eri uj aj SGAIA, xaqakoj k’ut ri chakub’alil rech no’jb’anikil pa taq le resaxik xqab’an pa taq le juyub’ ri awan tiko’n maj pa usaqil ri’, ri qas pa taq k’ax ulewal tikom wiri’ rumal k’ut k’ax rilik ri nimab’e chi’, k’o q’atim wiri’ kumal ri winaq chi’”, eri Feremka Godínez, k’amal b’e rech ri Escuela Centroamericana rech Entrenamiento Canino xuquje’ e are k’o nimtob’anik xuya’ chi’.

Eri Godínez xub’ij che ri wokajil ajchajinelab’ xeb’e pa le esanem ri’ k’ax xkitijo xe’opan chi’, rumal ri’ k’o nim xupatanij xkoj ri no’jchakub’al chi’ ub’i’ Dron, are wa’ jun chakub’al sib’alaj nim upatan, rumal k’ut ri are naj kopan wi le kurilo xuquje’ rumal ri’ k’o nimalaj tob’anik xuya’o pa le kachajixik e ajchajil tinamit ri’.

“Eri jun no’jchakub’al ri’ are sib’alaj xtob’anik che uya’ik pa saq rilik pa juntir chi’ pa taq le rilik ri peraj juyub’ b’anom wi tiko’n ri’”, xcha’ ri Godínez.

Rumal ri’ eri aj Dron ri’, are jun eqa’lenel rech ri SGAIA ub’i’ Freddy Yat Gómez, xub’ij che ri tijob’enik chi rij ri’ are pa amaq’el ub’antajil ri’ rech pa le reta’maxik ukojik jun no’jchakub’al ri’ le k’o nim xupatanij pa le jun nim esanem ri’.