Eri naj ch’a’wb’alib’al kuya’ rachib’al ri winaq pa le retal uwi’q’ab’aj ri’

154

Pa ronojel e k’o 90 naj ch’a’wb’alib’al kekowinik kakiya’ pa saqil rachib’al ri winaq pa le retal uwi’q’ab’aj ri’ xuquje’ are ri’ kuya’o pa aninaqil ri’, are kekoj ri’ rumal ri Wokajil Ajchajil Tinamit (PNC), pa taq le k’olib’al ya’olchajinik kakoj ri’, pa taq solinik kab’an ri’ je ri’ pa taq le chajinik kab’an pa taq k’ulb’a’t juyub’ pa amaq’ ri’, pa juntir uwach tinamit ri’ je ri’ utzijol xuya’o ri  Ministro rech Gobernación, Francisco Rivas Lara, ri xk’ob’ pa le k’utb’alr ech ri proyecto tecnológico rachb’ilaj chi’ ri Viceministro rech Tecnologías, Walter Girón, ri k’amal b’e, Rudy Gallardo rech ri Registro Nacional rech taq Winaqib’ ri’ (RENAP) xuquje’ kuk’ ri k’amal b’e rech taq wokajil estadounidenses che xeto’ban ruk’ wa’.

 “Pa le ub’anikil uchakuxik we ch’ob’otal chak ri’ kaya’taj ri’ uchuq’ob’il kichak patan ri eqa’lenelab’ e ajchajil tinamit kuk’ ri kechajin pa wokajil pache’ tz’apib’al ri’ pa le q’atenik ri molaj b’anol k’ax itzel winaq ri’ ri sib’alaj k’axk’olil tajin kakib’an pa we amaq’ tinamit ri’ xuquje’ pa taq nik’aj chik tinamit pa uwachulew ri’ pa le ukojik ri tecnificación ri’, xa’rumal kaya’ ri’ chi ke ri jun chokonsab’al rech kakikojo aretaq ke’ok che rilik katzijolil winaq ri’ pa we amaq’ tinamit ri’ pa aninaqilem ri’ xuquje’ are ri’ qas rajawaxik kakikoj ri eqa’lenelab’ chajin tinamit ronojel pa le kib’anoj chakunem ri’, ruk’ wa’ ma rajawaxik ta chik kepe pa le gabinete criminalístico rech kakita kitzijol winaqil ri’”, xcha’ ri Ministro.

Eri Taqawokajnel Ya’olchajinik pa Amaq’, xumaltyoxij ri tijob’al chuq’ab’ xkib’an ri qas e ajchakul rech ri uk’amom kib’e rumal ri Girón xuquje’ ri xub’ij che we ch’ob’otal chak ri’ are xk’ix unimal uwach ri’ ruk’ utob’anik upwaqil xuya’o chi rij rumal ri Oficina rech ri Naciones Unidas ajq’atil rech ri awan kunb’al ruk’ ri b’anoj k’ax ri’, Oficina Regional rech Centroamérica xuquje’ ri Caribe (UNODOC) ri’.

En k’u ri Viceministro rech Tecnologías, xub’ij ri are che ri fuerzas de tarea xuquje’ ri jalajoj kuwach ri wokajil kuwach b’anoj tzukunem rech ri Wokajil Ajchajil Tinamit ri’ xuquje’ ya’tal ri’ rech kakikojo pa le kichak patan ri’ je ri’ ri pa le Sistema Penitenciario ya’talik rech ya’olchajinik chi ke ri e ajpache’ keraqataj chi’. “We nik’aj naj ch’a’wb’alib’al ri’ are kakik’utu kuwach ri winaq k’o tzukunik chi rij ri’, ri k’o tzukunik chi rij kumal ri ajchajil tinamit ri’ je ri’ chi kij ri winaq e tz’apil pache’ ri’ xuquje’ eri retal uwi’uq’ab’ ri’ kil wi juntir rutzijol ri’, chi’ kil wi we taqom uchapik ri’, we k’o umak ub’anom pa kiq’ab’ ajchajil tinamit ri’, ronojel wa’ uk’amom kitzijol e lajuj q’inomalil kajilab’al winaq ri’ tz’ib’atal kib’i’ pa le RENAP ri’, rumal ri’ eri jun winaq man k’ot uwuj reqam aretaq katatab’exik rutzijolil ri’ xa’ pa treinta segundos kak’utun wi kach’ob’ik chinaq ri’ pa juntir we amaq’ tinamit ri’”, xcha’ ri Viceministro ri’.

Naj chak uk’amom ri’

 “We nik’aj naj ch’a’wb’alib’al ri’ are naj chak chik umajom ri’ rech xmolik ronojel kitzijol winaq chupam ri’ kumal taq ri wokajil e k’o pa amaq’ tinamit ri’ kojpa’ RENAP ri’, ri kojom jun uwach rech ilb’al rech ri’ rumal ri’ kuya’ ri Iximulew ri’ pa jun nab’e teremb’exik rech kakoj ri’ pa ropanb’alil centroamericano ri’ we uwach tecnología ri’” eri Enrique Marín rech UNODOC xub’ij ri are, ruk’ wa’ jun utzalaj ub’anikil ri’ tajin kaq’alajisaxik che ri Iximulew ri’ are unab’ejsam rib’ pa le k’ak’ kojb’al tob’chakub’al ri’.

Eri Stu Velasco, xuk’am puq’ab’ ri Viceministro rech Tecnologías Walter Girón jun chi ke ri ch’a’wb’alib’al ri’ rech ri k’ak’ nuk’ulemal ch’a’wb’alil rech retal uwi’q’ab’aj AFIS ri’, xuquje’ xuya’ xub’ij che ri chokonsb’al ri’ are rajawaxik kakojik rech uya’ik uchuq’ob’il kichak patan ri ajchajil tinamit ri’ xuquje’ are kutoq’ij rech kakojik pa b’anoj tzukunem kab’an kumal ri tzukunel chi rij b’anoj taq k’ax kamisanik pa we amaq’ ri’ xuquje’ are katob’anik rech kechapik ri winaq taqom kichapik rumal q’atb’altzij ri’ rumal ri’ Ministerio Público rech kakojik aretaq kakik’am b’i pa q’atb’altzij ri’ le winaq ajb’anol k’ax ri’.

Jas le ub’anikil kakojik ri’, are xuk’iso utzij rumal ri K’amal b’e rech RENAP ri’, are jun taqawokajil ri xk’oji aretaq xya’ pa k’utik ri ch’a’wb’alib’al ri’ ya’tal chupam taq rech kakita panoq kitzijol winaq k’a pa le Registro Nacional rech Winaqib’ ri’, are rech kukojo ri chokonsb’al rech tzijob’enik inalámbricos (WiFi o GPRS) ri kuya’o che ri PNC ri’, kuch’ob’ kuwach taq ri winaq pa le unuk’ulemal ri tzijolil ri’ kojpa’ ri ajb’anol k’ax kekamisanik ri taqom kichapik ri’ ri kab’ixik k’o k’ax kib’anom xuquje’ rech kechap ri’. Xuquje’ eri ub’anikil ri tecnología ri’ are kakowinik kurilo we ri Kiwujil ri Winaq (DPI) xuquje’ eri jun chokonsab’al ri’ are kakowinik kurilo we ri k’aqb’alil xuquje’ ri winaq keq’ax pa amaq’ ri’ we k’o pa usaqil kik’owik ri’ kiq’axik ri’.

Swiffy Output
COMPARTIR