Eri nan tat e are jun pa le cholchak rech q’atel k’ax

348

Are wari’ rech ketijox ri winaq che b’iw ub’ixik loq xuquje’ rech pa junamil kechoman kuk’ ri Wokajil Ajchajil Tinamit (PNC), pa we junab’ ri’ eri k’amow ub’e ri wokajil rech q’atel b’anow k’ax ri’, ke’ukoj ri’ le nan tat kech ri e ajtijoxel pa taq le cholchak rech q’atel b’anow k’ax, jeri’ xuya’ ub’ixik ri Priscilla Herrera rajawtzij rech Escuelas Seguras.

Eri cholchak ri’ are kutzukuj ke’utijoj ri winaq rech k’o k’ax pa taq achalalil kakiya’ loq ub’ixik ri’, jeri’ wexa’ k’o kakit tzam loq rech keq’atexik ri q’apoj alab’om alitom rech ke’ok ta kuk’ ri molaj b’anol k’ax.

“Eri kupatanij kitatb’enik ri nan tat rech e are jun ke’ok pa taq le k’ak’ cholchak rech k’o jun utzalaj winaqilal e ajtijoxel kaya’taj ri’, rumal k’ut xetijoxik rech k’o ilonem kakib’ano pa aninaqil ri’ xuquje’ rech kekwin che uchomaxik ri’”, xcha’ ri Herrera.

Eri retal tijob’enik

Pa junab’ir kanoq eri retal tijonem ri’ are xya’taj b’a’ chi ke ri taq ala taq ali xuquje’ chi ke e q’apoj alab’om alitom, rech taq tijob’al ib’ che ri xechomax wiri e 3 mil chi ajtijoxel pa we amaq’, ruk’ taq cholchak rech ke’ok taq pa molaj b’anol k’ax, pa utijik awan kunb’alil, rech uq’atexik b’anow itzelb’anik ri’, rech eri ajchajil tinamit are awachb’il ri’.

Eri retal tijonem ri’ are kaya’tajik pa le tijob’enik rech kajulew xuquje rech winaqilal, rech utzalaj rilik kab’an pa le kib’antajil ri q’apoj alab’om alitom ri’.