Eri Mauricio Carbajal Zetino, oficial segundo rech ri Wokajil Ajchajil Tinamit (PNC) ri are xutzuj che aretaq xe’opan ri e ajchajil tinamit rech ri Sub Estación rech San Juan Alotenango pa le juyub’ k’olib’al che ri xk’ulmataj wi’ ri k’ax rumal ri Ixkanul aretaq xutzaq loq q’aq’ ri’, ri k’o pa Escuintla, “Tajin xojupanik chi’ pa le xk’ulmataj wi’ ri k’ax rumal ri ixkanul are rech xeqesaj ri winaq xkik’umal aj ri k’ax ri’ rech xekam taq ri winaq ri’”

Pa jun ik’ chik ok’owinaq che ri Ixkanul xutzaq loq q’aq’ chi kij ri winaq rech e oxib’ tinamit ri’, chuxe’ an ri ixkanul ri’ eri eqa’lenel ri Wokajil Ajchajil Tinamit xe’opan chi’ are rech xe’opan che kesaxik ri winaq pa le k’ax xkiraq chi’ xuquje’ are rech xkiya’ ub’ixik chi ke ri winaq chi’ rech kakesaj kib’ pa taq le kachoch ri’ che xumaj wi’ rok’owik ri chak xuquje’ q’aq’ rumal ri ixkanul ri’.

“Rumal ri’ eri uj xojupan chi’ rech xaqilo ri k’ax xk’ulmataj chi’ aretaq xaqilo che sib’alaj nim ri k’ax xub’an chi’ are xaqamajo kesaxik taq ak’alab’ taq ala, taq ali, ixoqib’ xuquje’ achijab’ chi’, xaqab’ij chi ke ri k’ax rumal ri ixkanul ri’ are b’anow nimak’ax chi ke jeri’ xaqab’ij chi ke ri winaq che tajin xkika’yej ri jun nimak’ax che ri xk’ulmataj chi’” xcha’ ri Zetino aretaq kape ub’is che una’taxik ri jun k’ax ri’.

Aretaq xaqata utzijol che ri a Carbajal Zetino jas le xuna’o aretaq ri tinamit xkib’ij che e are “Héroes sin Capa” ri are xub’ij “utz kuna’ qanima’ ri’, pa mach’ach’em xaqab’an ri qachak chi’ kuk’ ri winaq rumal ri’ eri winaq xkib’ij che utz ri qachak xaqab’an chi’, ri uj k’o loq’ qatzij xaqaya’ che ri wokajil jaqachakunb’al ri’, rumal ri’ ruk’ ronojel qanima’ xeqapatanij ri qawinaq ri’”.

E eqa’lenel ri PNC rech Alotenango xuquje’ ri Fuerzas Especiales (FEP), ketajin na che tob’anik pa le juyub’al che ri xk’ulmataj wi’ ri k’ax, xuquje’ ketajin na che ya’olchajinik chi’ xuquje’ e k’o nik’aj chik che b’anow tob’anik chi ke ri winaq ri’ rech pa le kesaxik ri kachalal xekam chi’.