Eri Plan Verano Seguro 2019 rumal ri Mingob xuquje’ ri PNC sib’alaj katajin upatanixik ri’

160

 

Eri Plan Verano Seguro are ya’olchajinik xmajtajik pa le 14 k’a pa domingo 21 rech abril rech pa junab’ ri’ rumal ri Ministerio rech Gobernación pa le reqa’lemnik ri Wokajil Ajchajil Tinamit (PNC) ri’ pa ronojel k’o 60 k’olib’alil ya’olchajinik pa taq nimab’e pa juntir amaq’ tinamit ri’.

Rumal ri’ e k’o keb’ mil 618 chi eqa’lenelab’ ajchajil tinamit xetaq ri’ pa chajinik chi ke ri winaqil e aj iximulew pa taq le kewa’kat wi’ pa taq b’inib’alil ri’ xuquje’ rech aretaq keb’e pa taq kachoch ri’ pa le uxulanem q’ij rech pa Awasq’ij.

Eri q’atb’altzij xkiya’ utzijol che pa ronojel k’o ri’ 14 chi uk’olib’alil chajinik kojom ri’ pa taq le Puerto de San José, Escuintla, pa Las Conchas, Izabal, pa Coatepeque, Xe’jaju’, pa Champerico, Retalhuleu, pa Ocos, San Marcos, pa Panajachel, Tz’oloja’, pa Punta de Palma, Izabal, El Estor, Izabal, pa Semuc Champey, Alta Verapaz, pa Tikal, Petén, pa Flores, Petén, pa San Andrés, Petén, pa El Remate, Petén xuquje’ pa Sayaxché, Petén ri’.

Xuquje’ k’o wuqub’ chik k’olib’al chajinem kojom pa La Ruidosa, Izabal, El Tejar, Chimaltenango, El Zarco, Retalhuleu ri’.

Jeri’ pa taq Los Encuentros, Tz’oloja’, pa Río Hondo, Zacapa, pa Las Palmas, Suchitepéquez xuquje’ pa Poptún chi la’ Petén ri’.