Eri PNC are qas ke’uto’o ri ak’alab’ kuk’ ri alab’om alitom ruk’ ri cholchak rech q’atel k’ax

106

E k’o 400 mil chi ak’alab’, taq ala ali xuquje’ alab’om alitom che ri xya’taj loq’ ilonem chi ke pa we junab’ ri’ rumal taq ri cholchak rech ri Q’atel k’ax pa le uchak patan ri Wokajil Ajchajil Tinamit che ri tajin kutzukuj rech pa le kiq’atexik ri taq ak’alab’ kuk’ ri alab’om alitom rech naj kek’oji che ri awan kunb’alil xuquje’ chi ke ri molaj e ajb’anol k’ax ri’.

Eri k’uttijonem ri’ are xya’taj pa taq le 6 mil kuwach taq tijob’al e k’o pa we amaq’ ri’ rumal ri Wokajil Jachakunb’al rech Q’atel k’ax rech ri Subdirección rech Q’atel k’ax ri’, are wokajil jachakunb’al rajawtzij rech ukojik ri ilb’anik, ri cholchak ruk’ ri ub’eyal taq chomanik kuk’ ri winaq tinamit ri’.

Eri tijob’en ib’ ri’ are katajin pa juntir uwach uwokajil ri’, rumal k’ut e ukojom chupam wari’ le nan tat, e ajtijoxel, e ajtijonel xuquje’ ri q’atb’altzij rech wokajil tijonem ri’, pa le upatanixik ri cholchak ri’ are tajin rilik rech keno’jixik taq ak’alab’ taq ala ali kuk’ ri alab’om alitom e k’o pa k’ax ri’, xcha’ ri Oficial Hernán Martínez, taqanel rech ri Departamento rech Orientación ri’.

Eri retal tijob’en ib’ ri’ are ya’tal chi ke taq ak’alab’ ri e pa waqxaqib’ pa kab’lajuj kijunab’ ri’ xuquje’ chi ke alab’om alitom ri k’o pa 13 pa 17 kijunab’ ri’. We kamik ri’ k’o jun cholchak q’atatal chik uwch are kakojik rech pa le uchomaxik le rajawaxik chi ke ri komon winaqilal ri’.

G.R.E.A.T.  Are ri Cholchak rech Tijonem xuquje’ rech B’anow Eta’manik rech Majun taj ke’ok kuk’ ri Molaj b’anol k’ax, are kuya’ loq’ chokonsab’al xuquje’ b’anikil chi ke ri taq ala ali rech ke’ok ta kuk’ ri molaj b’anol k’ax.

D.A.R.E.  Are wokajil cholchak taqom loq rumal ri Estados Unidos pa 1,983, eri ub’i’ pa inglés tzij: Drugs Abuse Resistence Education, are jun wokajil rech q’atel utijik awan kunb’alil che ri kikamisanik, ruk’ awan kunb’alil jacha’ ruk’ ri tzam ruk’ sik’ ri’.

LAP Liga Atlética Policial are jun cholchak che kukoj ja’mril rech etz’b’anik, che ri kaya’ pa uk’isb’al tijonik kumal ri ajno’jtijonelab’ rech q’alan b’anow k’ax, ri k’o etz’anem kakib’an kuk’ taq ak’alab’ aretaq latz’ ta kuwach ri’ pa le k’isb’al b’anow tijonik.

Eri Policía Tu amigo, are ya’tal ri’ rech kuchakuj kuk’ ri winaqilal ri’, ri b’anow patan pa amaq’, ri no’jk’aslemal ruk’ niman pixab’ ri’, are wachtzijonem rech uq’atexik ri b’anow k’ax kumal ajtijoxel pa tijob’al, rech chajib’al ib’ xuquje’ rech maj b’anow k’ax pa taq achochib’al ri’.

Xuquje’ eri Construyendo mi futuro, eri jun cholchak ri’ are xoksaxik pa Iximulew ri’ rech uq’atexik tijow awan kunb’alil ri’.

Pa enero 2017 are xya’tajik ri cholchak ub’i’ G.R.E.A.T.  chi ke 27 mil ajtijoxel ri’ rech taq kajib’ nab’e q’attijonem pa urox rech urox q’a’ttijonem, pa le D.A.R.E.  xb’antaj kowinem xopan uya’ik chi ke e 10 mil chi ak’alab’ taq ala ali xuquje’ ruk’ ri cholchak ub’i’ POLICIA TU AMIGO xopan uchuq’ab’ chi ke e 220 mil chi ak’alab’ ri maj kinan tat xuquje’ are xya’taj chi ke e 400 mil chi taq ala ali kuk’ alab’om alitomab’ ri’ pa 6 mil chi tijob’al ib’ ri k’o pa ronojel we amaq’ tinamit ri’.

Pa le upatanixik ri cholchak ri’ eri Wokajil Ajchajil Tinamit ri’ are xub’an jun nim chomanik kuk’ ri komon winaqila ri’ xuquje’ pa le jun chik junab’ chomatal chik rech kaq’ansax upatanixik ri cholchak ri’ pa jun 10% ri’ pa le uterenb’exik rech ya’b’al jun nim utzilem chi ke taq ri ak’alab’ ri’ che ri keraqataj pa k’ax ri’, xcha’ ri Oficial Hernán Martínez.

COMPARTIR