Are wa’ taqim uk’utik chi ke taq ala taq ali xuquje’ chi ke alab’om alitom ri nimab’al chi ke xuquje’ uloq’ob’exik ri k’ache’laj uwachulew ri’, rumal ri’ eri Subdirección General rech Apoyo xuquje’ rech Logística rech ri Wokajil Ajchajil Tinamit (PNC) pa komonb’al ruk’ ri Instituto Nacional rech taq K’ache’laj ri’ (INAB) e k’o 2 mil 800 chi che’ xe’utik pa le Parque Erick Barrondo pa le zona 7, uri ch’ob’otal chak ri’ are ub’i’ “Kenutik che’ jacha’ tane’ jun sipanem che ri amaq’ nutinamit ri’”.

Pa le upatanixik ri ch’ob’otal chak ri’ xetob’anik ri e ajtijoxel rech ri keb’ tijob’al rech ri zona 7 ri’, kuk’ ri e ajtijoxel rech taqanelab’ rech ri Escuela rech ri PNC , ri DIPRONA xuquje’ kumal ri e ajtaqanel rech ajchajil tinamit ri’.

Eri subdirector General rech Apoyo xuquje’ Logística, Augusto Gómez Lacan, xub’ij che ri ch’ob’otal chak ri’ are katajin upatanixik ri’ pa le Rok’owisaxik Unimaq’ij rumal kutz’aqatisaj Juwinaq jun ujunab’ ri PNC ri’.

“Ruk’ wa’ kojtajin che ucholsajisaxik ub’anik rech uwa’lijsaxik ri’ xuquje’ ke’nutoq’aj xuquje’ kinya’ jun nimantzij chi ke taq ri ak’alab’ ri’ pa le q’ij kamik xuquje’ pa le q’ij rech chuwach kab’ij rumal ri’ kojtajin che utikik 26 mil chi che’ pa amaq’ tinamit ri’”, xcha’ ri Gómez Lacan.

Eri jun b’anow ri’ are xb’antaj le Juwinaq jun ujunab’ kutz’aqatisaj ri PNC ri’. Chi’ k’u ri’ k’o k’i taq chomanik kib’anom kuk’ ri komon winaqilal ri’ xuquje’ kuk’ taq ri tijob’al ib’ k’o chi’.

Rumal ri’ eri Marlén Tuchan, Nim K’amal b’e rech ri PNC infantil, xkub’isaj ub’ixik eri utikik ri che’ ri’ are wa’ katob’anik che ri k’ache’laj uwachulew ri’ rumal ri’ are katajin utoq’axik ub’anik pa taq le tijob’al ib’ ri’.

Jeri’ ri al Kimberly Alvarez ajtijoxel rech ri Escuela Oficial Urbana Mixta Amparo I, xumaltyoxij ri tob’ani ri’ che ri PNC rumal are jun xok pa le cholchak rech utikik k’i taq che’ ri’.

Pa junamil ri’ katajin “Ketik ri taq che’ ri’ jacha’ tane’ jun nim sipanem kinya’o che ri amaq’ nutinamit ri’, ruk’ ri kitatb’enik ri e ajtijoxel rech taq ri tijob’al ib’ rech ri aldeas Las Lagunas xuquje’ ri Chaman rech San Pedro Sacatepéquez xuquje’ rech Santa Rita rech pa tinamit rech San Antonio, San Marcos, jeri’ pa Nueva Concepción Escuintla, Retalhueleu, Totonicapan xuquje’ pa Zacapa ri’.

Eri nik’aj cholchak ri’ are tob’am uwach rumal ri Ministro rech Gobernación ri’ rech uya’ik uchuq’ab’ ri uchomanik rumal ri tatb’enik xkib’an ruk’ ri komon ajchajil tinamit rech pa ub’anik chech ri kajulew ri’.