Eri ajtzukno’jchakunelab’ rech ri Subdirección General rech Investigación Criminal rech ri Wokajil Ajchajil Tinamit xuquje’ kuk’ ri Q’atol tzij rech ri Ministerio Público (MP) k’o kajib’ b’anow tzukunem ruk’ jo’ob’ winaq taqom kichapik pa Ayutla, San Marcos xuquje’ pa Iximulew k’a we kamik ri’ e k’o e oxib’ winaq ri’ e chapom chik rumal poq’san pwaq ruk’ nik’aj uwach ri’ maj pa usaqil ri’.

Eri winaq xechapatajik ri’ are wa’ kib’i’: al Carmen María Palma Castro 44 ujunab’, a Luis Fernando Juárez Palma 25 ujunab’ ri’ e are wa’ xechapatajikpa Jardines rech ri Asunción zona 5 xuquje’ al Patricia de Jesús Pérez ri are xchapik pa el Colonia Amparo II zona 7, pa nimatinamit ri’.

Eri ajtzukno’jchakunel rech ri PNC sib’alaj ketajin che b’anow tzukunem ya’olchajinik rech uq’atexik b’anow poq’san pwaq ruk’ nik’aj chik pwaqil jastaq ri’, are wa’ xb’antaj rumal xkiraqa ri nik’aj winaq ri’ che ri kab’ixik xkipoq’saj pwaq maj pa usaqil ri’, ri kab’ixik k’o pwaq maj pa usaqil xkiq’axaj pa jun kolib’al pwaqil rech pa jun pwaqb’al ja pa le 17 rech enero rech ri 2016 k’a pa le 19 rech enero rech pa 2017, pa ronojel ri’ USS $500,000.00, man xkib’ij taj jas upetib’al ri pwaqil ri’.

Eri q’alajisab’al rech ri’

Eri q’atb’altzij rech e ajchajil tinamit xkib’ij che pa le b’anow tzukunem ya’olchajinik kumal ajchajil tinamit ri’ pa le  1 avenida zona 6 rech Magnolia, Coatepéque, pa Xe’laju’ ri’, chi’ k’ut xraqataj wi jun kejach’ich’ ri kab’ixik xa’ eleq’am ri’ pa le 14 rech febrero rech 2018, ruk’ jun k’aqb’al ruk’ keb’ uk’olib’al ub’aq’, ruk’ 15 ub’aq’k’aqb’al ri’, ruk’ 14 chi ch’a’wb’alil, ruk’ 12 chips rech jalajoj taq upetib’al ri’, ruk’ keb’ kolob’al tzijol USB xuquje’ ruk’ keb’ uxaq wuj k’o kib’i’ winaq b’anom k’ax toq’inik pwaq chi ke ri’.