Eri PNC katajin che kaq’atexik nik’aj e ajtoq’inel pwaq ri’

70

 

We kamik ri’ eri Ministerio rech Gobernación pa le uchakunik ri Wokajil Ajchajil Tinamit (PNC) xuquje’ pa komonb’al ruk’ ri’ Ministerio Público (MP), xkiib’an 88 chi b’anow tzukunem ya’olchajinik pa le katzukuxik uwinaqil ri Barrio 18 xuquje’ nik’aj molaj b’anol k’ax kib’i’ “Imitadores” (e are nik’aj molaj b’anol k’ax che ri kakojom kib’ che pandilleros) che ri kakitoq’ij pwaq chi ke winaq ri’.

Pa ronojel k’o 11 b’anow tzukunem b’anom pa taq tinamit ri’ rech kaq’atexik jun molaj b’anol k’ax kib’i’  “Latin Family”, rech ri Barrio 18 xuquje’ nik’aj chik kib’i’ “Imitadores”, ri xkimol pa le ub’anik k’ax ri’ 369 mil 810 chi pwaqilem ri’, are wa’ xq’alajin pa le tzukno’jchak xb’an chi kij ri’.

Eri pa taq tinamit che ri jub’ij tzukunem b’anom ri’ rumal ri’ Subdirección General rech Investigación Criminal (SGIC) xuquje’ kumal eqa’lenelab’ ajchajil tinamit are pa Iximulew, pa Xe’laju’, Rehalhuleu, Jalapa, Jutiapa, Escuintla, Chinab’ju8l, San Marcos, Suchitepéquez, Izabal xuquje’ pa Sacatepéquez ri’.

Eri nik’aj molaj b’anol k’ax ri’ e are xkib’an toq’inik pwaq chi ke e ajchoq’e taq ch’ich’ rech erelwinaq pa tinamit xuquje’ pa taq tinamit ri’, chi ke taq e ajk’ayib’ xuquje’ chi ke taxistas, jeri’ xkiya’ utzijol ri q’atb’altzij rech ri PNC ri’.

Pa ronojel ri b’anow tzukunik ri’ are qas xb’antaj pa taq le tinamit rech Iximulew ri’ xuquje’ pa le tzukno’jchak xb’an kumal ri sak’ajil tzukunelab’ xkiq’alajisaj che ri jun molaj b’anol k’ax rech ri Barrio 18, k’o sib’alaj k’ax xkib’an pa taq le tinamit rech Villa Nueva, Villa Canales xuquje’ pa San Miguel Petapa ri’.