Eri PNC katajin che kicha’ik ri utz taq eqa’lenel pa kiwokajil ri’

130

Are rech kaya’ b’a’ pa retal ri kowilaj utz chak patan b’anom kumal ri Q’atb’altzij Ajchajil Tinamit ri’, are rech pa uya’ik pa saq ri’ jun utzalaj rachib’al pa uwokajil ri’ rech man itzelal ta rilik kumal ri e itzel taq eqa’lenel ri’, katerenb’ex kicha’ik ri’ jeri’ xuya’ ub’ixik ri Jorge Aguilar Chinchilla ajtzijolinel rech ajchajil tinamit, are xkub’isaj ub’ixik che pa we juanb’ ri’ e 259 eqa’lenel chik e esam b’ik pa le wokajil ri’.

Eri xechapataj ri’ kab’ixik e k’o nik’aj chi ke xa’rumal katijom tzam ri’, nik’aj chik kab’ixik xa’rumal kikaj ta kiya’om kipwaq rech tzuqub’al kalk’uwal ri’, nik’aj chik kab’ixik xa’rumal ub’anik nik’aj chik itzel b’anow k’ax ri’.

Eri Aguilar Chinchilla ri’, xub’an k’ut jun nim sik’inem chi ke ri winaq tinamit e aj iximulew ri’ rech kakiya’ loq ub’ixik ri nik’aj itzel eqa’lenel ri’, “rumal ri’ eri uj are kaqanimaj kitzij ri winaq tinamit ri’ rumal ri’ xaq ta kaqilo kab’an k’ax kumal ri eqa’lenel pa le kiwokajil ri’ xuquje’ kaqata chi ke ri winaqilal rech chkib’ij loq pa le 1562”.

Eri ajtzijolinel ajchajil tinamit xkub’isaj ub’ixik che k’o oxib’ uwach nim chak chomanik kab’an rumal ri PNC ri’, aretaq, ri kaloq’oxik ri eqa’lenelab’ ri’, ri rech ketijoxik ri’ xuquje’ k’o kecha’ chi ke rech ke’esax b’ik ri’.

“Eri uj aj jun nimwokajil che ri katajin wi cha’onik ri’ xuquje’ are rech kub’an utz chech rachib’al ri wokajil ajchajil tinamit ri’”, xcha’ ri Aguilar Chinchilla.

 

COMPARTIR