Eri PNC katajin che nab’ejsab’al ya’olchajinik qas pa taq tinamit rech Iximulew ri’

165

 

Are wa’ katajin unimaxik ri xutaq loq ub’ixik rech kapatanixik rumal ri’ q’atb’altzij rech ri Ministerio rech Gobernación xuquje’ rumal ri Wokajil Ajchajil Tinamit (PNC), pa kib’antajil ri comisarías e k’o chupam ri Distrito Central ri’ pa le uterenb’exik ri nab’ejsab’al ya’olchajinik ri’ kab’an pa taq le q’ij ri’ qas pa taq ub’eyal k’olib’em pa taq tinamit rech Iximulew ri’.

Pa taq le ya’olchajinik che ri katajin ri’ are tajin upatanixik ri ya’olchajinik tzukunem chi ke ri ch’ich’ xuquje’ kejach’ich’ are rech kaq’atexik juntir le b’anow k’ax kupetisaj ri’ rumal ri’ are kilik we k’o kiwujilal ri winaq kewa’kat chupam taq, rech pa le uq’atexik uwach ri awan jastaq kaq’axaxik kumal ri winaqil e aj iximulew ri’.

Eri q’atb’altzij xkiya’ utzijol ub’anikil ri ya’olchajinik ri’ xuquje’ xkiya’ utzijol che pa le chajinem ri’ ketajin che ukojik ri chakub’al ub’i’ MI-3 rech kilik wexa’ k’o jun taqom uchapik rumal q’atb’altzij ri’.

Eri ya’olchajinik ri’ sib’alaj katajin ri’, rech sib’alaj keto’ik xuquje’ kechajixik ri winaqil e aj iximulew ri’, xcha’ ri ajtzijolinel rech ajchajil tinamit Edwin Monroy.