Eri PNC katajin che ucha’ik kuwach reqa’lenel ri’, rumal ri’ e k’o e oxib’ xechapatajik rumal toq’inik pwaq ri’

70

 

Eri Ministerio rech Gobernación pa le uchak patan ri Wokajil Ajchajil Tinamit (PNC), rech pa le ucha’ik kuwach pa wokajil ri’, rumal ri’ eri Inspectoría General, pa le 21 calle chuxo’l 8 xuquje’ 9 avenida rech ri zona 1, chuwach ri rachoch ri Organismo Judicial, xkichapo e oxib’ eqa’lenel, e rech ri Subdirección General rech Q’atel k’ax ri’.

E are ri’ a Salvador Adalberto Cabrera Ramírez 47 ujunab’, a Luis Marcelo Juárez Vicente 25 ujunab’ xuquje’ a Juan Pablo Sánchez Cabrera 26 ujunab’ ri’. eri e oxib’ ri’ e b’enaq pa jun ch’ich’ rech chajinik pa le 4 avenida xuquje’ 3 calle rech ri colonia Kenedy zona 18, aretaq xkichapo jun winaq che uk’amom b’ik jun ch’ich’ maj uplacas rech kab’inisaxik, ri k’a te uk’amom loq pa Estados Unidos rech América, eri winaq ri’ xub’ij ri k’ax xb’an che.

Jewa’ kichapik xb’anik

Aretaq eri e ajchajil tinamti xkitoq’ij 1500 chi pwaqil che rch kajach b’ik jun uwuj ri ch’ich’ che ri xkesaj che xuquje’ rech kakijach che, k’o jun molaj  e ajchajinel chik xetaq che kichapik ri’ aretaq ketajin che uk’amik ri pwaq che xkitoq’ij ri’.