Eri PNC katajin na pa k’uttijonem ri’

256

Are taqim wari rech kaya’ reta’maxik ri chakunem rech kakojik ri chakub’alil rech b’anow ch’ob’onem rech chi rij tzijol ri’, rech kaya’ pa saqil ri qas kachakuxik xuquje’ ri qas kakojik pa le b’anow chomab’al pa tinamit pa ya’olchajinik winaqilal ri’, rumal ri’ eri urox uq’ab’taqawokajnem rech Q’atel K’ax ruk’ utob’anik xuquje’ rachb’ilanik ri InfoSegura – PNUD, xetijoxik e k’i chi ke ri eqa’lenelab’ rech chajin tinamit ri’ rech uya’ik uchuq’ab’ keta’mab’alil pa le usik’ik uwach taq tzijol ri’ xuquje’ rech kakojik pa le b’anow ch’ob’ow chi rij ri’ pa utzalaj uchakuxik ri’, are tob’am uwach rumal ri jun uwa’lib’alil no’jb’anikil pa uwachwuj pa kemamtzij ri’.

Eri Viceministro rech Prevención, Axel Romero are xutz’apij uwach ri k’uttijonem ri’ xuquje’ xub’ij che we jun chi ke uwa’lib’al rech sik’om taq tzijol ri’ are wari kab’an pa komonb’al ri’, xub’ij chik che qas are wa’ kakojik pa le tijob’enik xuquje’ ri k’uttijonik ri’ rech are utz ub’anik ri cholchal kab’an pa le k’isb’al kojb’al rech ri uk’olib’al ya’olchajinik chi’, rumal k’ut eri chakunik ri’ are kumaj ri ya’el tzijol ruk’ ri eqa’lenel ri’.

Xub’ij chik eri uq’axik rech ri tzijol ri’ are rajawaxik utz pa le ub’anik ri’, rumal ri’ ruk’ ri k’uttijonik ri’ we kamik “Kaqaj kepe ri e ajno’jchakunel rech ri Wokajil Ajchajil Tinamit rech El Salvador rech kepe pa rilik ri e are ri’, che ketajin chik che ub’anik chi’”, xcha’ ri taqawokajnel rech ri’.

Eri Romero xuya’ ub’ixik “Eri uno’jixik ri’ are pa le ub’anikil ri Triángulo Norte rech kachakux wari xuquje’ rech katzijob’ex reta’maxik ri’ xuquje’ rech kajipin ukojik ri’, rumal k’ut xa’ junam ri k’ax kab’an pa taq le rulewalil ri’”.

Eri Romero xub’ij “Kojtajin k’ut che ub’anik jun komonchak chuq’ab’ xuquje’ pa le tijob’enik kech ri e ajchajin tinamit ri’ are uchak patan kukoj ri chakukb’alil rech no’jb’anikil che ri keta’mim chik kakoj ri’ xuquje’ jeri’ pa le ub’anik jun utzalaj ya’olchajinik ri’”.

Eri K’amal b’e rech ri PNC, Nery Ramos, xub’ij ri are che eri reta’maxik uch’ob’ik wa’ are rech pa le uchajixik ri winaqilal ri’, jachinaq ub’anik k’ax kumal ri Itzel winaq ri’, xuquje’ are wa’ rajawaxik kakoj pa wujil ronojel taq q’ij ri’ che ri kojtajin che ub’anik ri chak ruk’ no’jchakub’al rech pa le jun ub’anikil rech pa le usik’ik uwach taq ri tzijol rech kasolwachix ub’anik ch’ob’ow chi rij ri’.

COMPARTIR