Eri PNC ketajin che reyexik rech ke’ok pache’ tz’apib’al Las Gaviotas ri’

311

Eri Ministro rech Gobernación Francisco Rivas Lara, xub’ij che k’a pa nimaq’ab’ we kamik eri Wokajil Ajchajil Tinamit xmajtaj loq pa le Japache’ Las Gaviotas chi’ k’u ri’ e keb’ e ajpache’ xekam ri’.

Eri wokajil ajchajil tinamit sib’alaj e k’i keraqataj chi rij ri jun Japache’ Tz’apib’al ri’ rech tajin kechajin chi’, aretaq eri Ministerio Público xusik’ uwach ri xk’ulmataj wi ri b’anow k’ax ri’, eri e ajpache’ chi’ xkimaj ub’anik k’ax ri’ pa le japache’ ri’, rumal ri’ e k’i chi ke taqal na kijunab’ xkesaj b’ik kib’ chi’.

Rumal ri xk’ulmataj chi’e ri eqa’lenel rech ri PNC rech taq jalajoj wokajil ri’ xek’oji chi’ chi rij ri jun japache’ ri’, rech xkichomaj jas le ub’anikil kokik xkib’an ri’, xuquje’ rech xkichap ri xkesaj b’ik kib’ pa le japache’ ri’.

Eri Ministro Rivas xub’ij che rumal k’ut ri b’anow ch’oj xmajtaj chi’ eri PNC qas xkib’an uchomaxik k’ut rech xe’ok chi’ pa le japache’ ri’.

Aretaq xya’taj ub’ixik che e k’o e waqib’ e ajpache’ xechap chi rij ri Japache’ ri’, ri xek’am b’ik ri’ pa nimaq’atb’altzij ri’, xuquje’ tajin reyexik rech kaya’ pa saq kitzijol nik’aj xkesaj b’ik kib’ pache’ ri’.

Eri rech ri PNC, Nery Ramos Ramos, xub’ij che chi’ e k’o sak’ajil eqa’lenelab’ keraqataj ri’, e k’o k’ut eqa’lenel rech ri Wokajil rech kakichomaj ak’alab’ ri’ xuquje’ alab’om alitom ri’, e k’o rech ya’talil winaqil ri’, e k’o eqa’lenel rech taq comisarías xuquje’ reh e ajq’atel b’anow ch’oj ri’.

 “Korlim rij juntir ri japache’ chi’ xuquje’ are katajin uchomaxik rech pa saqilal ke’ok ri PNC chi’”, xcha’ ri Ramos.

Aretaq xechapataj e wuqub’ eqa’lenel rech ri Wokajil Ajchajil Tinamit che ri xe’opan kanoq pa la japache’ Las Gaviotas pa le junab’ 2015 ri’ kab’ixik xkib’an itzelal che ri taqanik k’o pa kib’a’ ri’, man utz ri kichak kipatan xkib’an ri’ xuquje’ man xeto’n ruk’ ri q’atb’altzij ri’.

Rumal ri’ eri Ministro Rivas xuquje’ xuya’o ub’ixik che we jun b’anow k’ax ri’ ke’uya’ pa k’ax ri kino’jk’aslemal ri PNC ri’, rumal ri’ eri q’atb’altzij ri’ keraqataj chi’ rech kakino’jij pa le kik’ob’ik ri’.

 “Eri e ajchak kab’ixik ketajin pa ilonb’al ri’ k’o ri kekowin che upatanixikr i’, man ke’al ta kan katukel pa le q’atol tzij ri’ xuquje’ xuquje’ katajin yab’al utob’anikr i wokajil pa usaqil ri’”, xcha’ ri Rivas.

COMPARTIR