Eri PNC k’o ilob’al chi ke ak’alab’ xukoj ri’

142

Eri cholchak ya’b’al ilonem ri’ are rech katob’an chi ke taq ala taq ali xuquje’ chi ke alab’om alitom che e ajq’axel pa qatinamit Iximulew ri’ rech ke’ok’owik pa Estados Unidos, rumal ri’ eri Wokajil Ajchajil Tinamit(PNC), k’o jun ub’anikil ilob’al chi ke taq ak’alab’ alitom alab’om e ajq’axel ri’, are rech ke’ilik we k’o pa saqil e k’amom b’ik ri’, rech kilik we kab’an ta k’ax chi ke ri’.

We jun ub’anikil ilob’al tob’anik chi ke ri’ are tajin kutzukuj ri’ rech pa utzilem b’a’ e k’amom b’ik ri taq ak’alab’ alab’o alitom ri’ che ri keq’ax chi’ xuquje’ rumal ri’ tajin katijoxik ri e ajchajinelab’ rech utz ke’ilon chi ke pa taq k’olib’em ya’olchajinik ri’.

Eri kichak kipatan ri e ajchajil tinamit ri’ are rech kakikoj we jun utzalaj b’anikil ri’ pa taq uxo’l ja pa tinamit rech pa we amaq’ ri’, jeri’ xuya’ ub’ixik ri Anner Florian, rech ri wokajil ajchajinel ya’el ilonik chi ke ak’alab’ xuquje’ alab’om alitom rech ri PNC ri’.

“Eri qachak patan ri’ man rech taj keq’atexik ri winaq e ajq’axel pa amaq’ ri’, xane’ eri qachak qapatan ri’ are rech keqato’o ri’ rech we man b’anom ta k’ax chi ke, rumal ri’ kojtajin che upatanixik jun ilonem chi ke ri’ jacha’ taq kajunab’ kib’antajil ruk’ ri rajawaxik chi ke ri’”, xcha’ ri Florian.

Ri xuya’ ub’ixik che we kamik ri’ are tajin katzukuxik kiraqik ri taq ak’alab’ che ri man k’ot kachib’il ketajin pa b’enam ri’ rech kaya’ katzijol ruk’ ri cónsul rech katinamit e petinaq wiri’, rech kaya’ ub’ixik chi ke xuquje’ chi ke taq kinan tat ri’.

“Rumal ri’ kojtajin k’ut che kipatanixik ri taq ak’alab’ ala ali ri’ xuquje’ ri alab’om alitom rech man k’ot winaq kab’anow k’ax chi ke ri’ pa le b’enam ketajin wiri’ rech keb’e pa le nimatinamit americano ri’, rumal ri’ kuk’ taq nik’aj chik wokajil jachakunb’alil rech ajchajil tinamit rech pa komon b’a’ kakoj jun b’anikil ya’ol tob’anik ri’ ruk’ ilonik chi ke ri’”, xcha’ ri Florian.

Eri Organización Internacional rech ri Migraciones (OIM), pa le nab’e taq waqxaqib’ ik’ rech ri 2017, eri El Salvador e k’o 1,700 chi ak’alb’ kuk’ alab’om alitom e nima’q chik xe’uk’am ruk’ ri’ che ri e tzalim chi loq jeri’ xub’an ri Honduras chi’ xe’utaq wi’ loq ri Estados Unidos k’a pa enero we kamik e k’o 3 mil 11 chi ak’alab’ xe’utzalij loq chi’, e are ri’ xe’ok’ow chi’ pa Iximulew rech te k’u ri’ xe’opan chi la’ pa Nimatinamit la’.

COMPARTIR