Eri PNC k’o jun cholchak ya’olchajinik kukoj pa uwi’ kimuqb’al kaminaqib’

99

Are rech kakub’isaxik uwach ri ya’olchajinik xuquje’ pa le b’anow utzil chi ke ri winaq tinamit e aj iximulew ri’ eri Wokajil Ajchajil Tinamit k’o jun Cholchak rech Ya’olchajinik kukoj pa uwi’ taq kimuqb’al kaminaqib’ pa le Kiq’ij petinaq ri’,chi’ k’u ri’ kek’oji pa uwi’ kimuqb’al kaminaqib’, pa taq nimaja rech k’ayij, pa taq b’anb’al xojoj xuquje’ pa taq kiwa’katem winaq ri’.

Eri cholchak ya’olchajinik ri’ are kamajtajik pa le 31 rech octubre pa nik’ajil q’ij ri’, pa le q’ij ri’ majun chi ke ri eqa’lenelab’ ke’uxulan tane’ jeri’ kuwach rajchak ri PNC, are rech konojel b’a’ kek’oji ri’ pa le ya’olchajinik ri’, jeri’ utzijol xuya’ ub’ixik ri Pablo Castillo, Ajtzijolinel rech ri Wokajil Ajchajil Tinamit ri’.

Eri Wokajil Ajchajil Tinamti e k’o e 37 mil reqa’lenelab’ ya’olchajinik pa juntir amaq’ tinamti ri’ xuquje’ e k’o ri’ e 7 mil che chajinik pa uk’u’x nimatinamit ri’.

Eri nab’e chi ke are kumaj ri ya’olchajinik ri’ pa nik’ajil aq’ab’ rech Halloweem pa le ya’olchajinik pa le u’k’u’x nimatinamit ri’ ruk’ ya’olchajinil kumal pa cajeros, pa taq restaurantes, pa taq kab’an wi nimaq’ij chaq’ab’ xuquje’ pa discotecas, are rech kakilo maj ub’anik k’ax ri’.

Eri umajik ukab’ uwach ya’olchajinik ri’ pa le nab’e q’ij rech noviembre pa taq le jo’ob’ kajb’al rech nimaq’ab’, chi k’u ri’ ya’tal ya’olchajinik pa kiwi’ kimuqib’al kaminaqib’ ri’ rumal k’ut are chi’ e k’i ri winaq ke’opan pa che kilik ri kachalal e kaminaq chi b’ik ri’.

Pa uwach ya’olchajinik ri’ e k’o ri’ e 656 kemuq wi kaminaqib’ ri’ pa reqale’n ri Ministerio rech Salud ri’ xuquje’ rumal taq Q’atb’altzij ri’ pa juntir we amaq’. Are wari’ k’o oxib’ korlim uwach chi rij ri’ pa 1,000 metros pa le okib’alil ri’, eri ukab’ chik a pa 500 mts. xuquje’ eri urox uwach chik are pa taq le kimuqb’alil kaminaqib’ ri k’o wi ya’olchajinik che kaqan kumal ri e ajchajinelab’ ri’ xuquje’ chajital pa taq okib’al jeri’ pa taq elib’al chi’.

Are rech ya’tal ri ya’olchajinik chi ke konojel ri winaq tinamti ri’ xuquje’ k’o ya’olchajinik kojom chi ke ch’ich’ pa taq nimab’e jeri’ chi ke winaq ri’ pa juntir we amaq’, are rech y chajital ri winaq kewa’katik rech pa joremal keb’e pa taq uxulanib’al ri’.

Eri Wokajil Ajchajil Tinamit are kutzukuj che pa le upatanixik ri Cholchak Ya’olchajinik pa le kiq’ij ri Kaminaqib’ ri’, are maj b’anow k’ax ri’, rech e chajim ri winaqil chi’ kuk’ ri kepe naj ri’, xuquje’ rech are k’o ya’b’al ilonem pa aninaqil ri’ wexa’ k’o jun nim rajawaxik ri’ rumal ri’ keraqataj ri’ pa kiwokajil ajchajil tinamit ri’.

Eri uwach ri chak rech q’atel k’ax ri’, e k’o reqa’lenelab’ ri Comisaría 11, e k’o pa chajinik pa le Cementerio General ri’, rech kakikoj sticker ruk’ kib’i’ taq ak’alab’ che ri ke’opan che solinik chi’ kachb’ilam b’ik kinan tat ri’.

Eri xub’ij ri Pablo Castillo, katajin k’ut uchomaxik kuk’ ri k’amal b’e ri winaqilal ri’ rech pa komonchak kakikub’isaj ri ya’olchajinik chi’.

Ruk’ wari’ eri winaqilal kuk’ ri e ajk’ayij are rech b’a’ kakina’o e chajin kumal ri wokajil ajchajil tinamit rech majun b’anow k’ax kab’an tane’ chi’.

COMPARTIR