Eri PNC k’o ub’ixikil katajin che uya’ik chi ke ri winaqilal chi rij ri b’anow k’ax tajin xqaj loq

194

Are wa’ rech kaya’ ub’ixik ri xchakuxik chi ke ri k’amal b’e winaqilal ri’ che ri chak patan katajin che ub’anik ri Wokajil Ajchajil Tinamit ri’ (PNC) pa Palín, Escuintla, eri taqanel rech ri Ya’olchajinik rumal ri Comisaría pa tinamit ri’, Carlos Fuentes xuya’ ub’ixik che ri b’anow k’ax chi’ are tajin xqaj uchuq’ab’ pa le waqib’ ik’ rech ri junab’ 2,017 man junam ta ri’ ruk’ ri junab’ 2,016 ri’.

Eri César Tobar, Q’atol rech Q’atb’altzij pa Tinamit xuya’ ub’ixik che ri tob’anik xya’taj rumal ri Wokajil Ajchajil Tinamit (PNC) are wari uya’om ri’, “ri ya’olchajinik pa komonb’al kumal ri eqa’lenel ajchajil tinamit kuk’ ri eqa’lenel rech ri Q’atb’altzij pa Tinamit ri’ sib’alaj utz ri chak ub’anom ri’, rumal ri’ kakub’ qak’u’x chi rij ri’ xuquje’ are kaqata’ uwach chaqawaj ri’ rech Kujkowin che Nimanik xuquje’ Tob’anik ri’”.

Eri molin ib’ chomanik ri’ are xb’an pa le upam le nimaja rech komon tinamit rech ri colonia Palinche rech Palín chi’ k’u ri’ xe’opan wi ri Oficial II Pascual Hernández, Taqanel rech ri K’olib’al ya’olchajinik chi’, ri Q’atol tzij, licenciado Edwin Ventura Ramírez, ri Ukab’ Tob’anel rech Q’atb’altzij xuquje’ ri k’amal b’e rech Bomberos Voluntarios.

COMPARTIR