Eri PNC kub’an jun pixb’anik chi ke ri nan tat rech kakichajij ri kalk’uwal pa Halloweem

107

Are rech b’a’ maj raqow k’ax pa taq nimab’e xuquje’ rech maj b’anow k’ax ri’ pa le nimaq’ij rech Halloweem, rumal ri’ eri eqa’lenelab’ rech ri Subdirección rech q’atel k’ax rech ri Wokajil Ajchajil Tinamit (PNC), are kakiya’ jun pixb’anik chi ke ri nan tat rech kakichajij ri kalk’uwal pa le nimaq’ij ri’ kuk’ ri alab’om alitom ri’.

Eri jun pixb’anik ri’ are rech kakiya’ ta kan katukel ri kalk’uwal, rech kakichb’alaj pa le wa’katem kakib’an ri’, jeri’ rech kakiq’al ri kalk’uwal rech ke’etz’an taq panik’aj aq’ab’ pa uxo’l taq ja pa tinamit xuquej’ rech keb’el taq loq chi saq naj che kachoch ri’ rech kakil panoq ri kalk’uwal aretaq ke’etz’an ri’.

Eri José Antonio Tzuban, k’amal b’e wokajil ri’, ke’upixab’ej ri nan tat aretaq keb’e che b’inik ri kalk’uwal alab’om alitom ri’ qas chaqila’ b’a’ chinaq kachi’l kechb’ilan kech ri’ xuquje’ we man keta’m kuwach ri winaq ke’achb’ilan kech rajawaxik b’a’ kakilo ri’.

Eri alab’om alitom ri’ eri Tzub’an xuya’ ub’ixik wexa’ k’o kakiraqo chech’a’w panoq pa le ch’a’wb’alil pa le110 xuquje’ pa le 1510 rech ri PNC ri’.

Xuquje’ eri eqa’lenelab’ e rech pa taq tinamit che kaqan ri’ ketajin che ujachik wujtzijol rech ri’ xuquje’ k’o ri wujil ri’ kakijach pa taq rachoch ka’yib’al, pa taq uwi kimuqb’alil kaminaqib’, jeri’ pa taq uxulanib’al pa tinamit ri’ xuquje’ pa utak’alib’alil ch’ich’ erelwinaq ri’ che ri ke’eyen wi e k’iyalaj winaq ri’.

COMPARTIR