Eri PNC kutaq uloq’ik ri ch’ich’ rech ya’olchajinik ri’

170

Eri Ministro rech Gobernación Francisco Rivas Lara xub’ij che we kamik eri Wokajil Ajchajil Tinamit ri’ katajin pa utoq’ixik rech ke’uloq’ ri ch’ich’ rech ya’olchajinik chi ke ri winaq tinamit e aj iximulew ri’.

Eri taqawokajnel ri’ xuya’ ub’ixik che we jun b’anow loq’ow ch’ich’ ri’ are k’o chik pa le cholchak rech pa jun junab’ pa le wokajil ajchajil tinamit xuquje’ are wari rech kaloq’ik 1 mil 500 kejach’ich’ xuquje’ ruk’ 1 mil 300 chi ch’ich’ rech ya’olchajinik ri’.

We kamik eri ub’anikil uloq’ik ri’ are xtun chi uchi’ ri’ rech keloq’ik ri radio patrullas xuquje’ ri ch’ich’ ub’anikil Pick-Up emu wari’ man k’ot jun wokajil kaloq’ow rech xopan tane’ pa rilik rech keloq’ik ri kejach’ich’ rumal ri’ eri q’atb’altzij rech ri PNC e are kakib’an ri loq’ow ri’.

Eri jun uchomaxik ri’ are pa rilik chinaq wokajil kukoj rib’ pa le uloq’ik ri’ xuquje’ are keyexik pa k’isb’al junab’ ri’ rech kab’antaj kowinem keloq’ ri nab’e jumulaj chi radiopatrullas xuquje’ ri pick-ups, xcha’ ri ajtapanel ri’.

Eri Nimcholchak rech Ya’olchajinik pa taq le Nimaq’ij rech pa K’isb’al Junab’ ri’

Pa taq le q’ij chuxe’ qaj ri nimaq’ij rech pa K’isb’al Junab’ ri’ Eri Ministro Francisco Rivas xuya’ ub’ixik che k’o jun nimcholchak rech ya’olchajinik chi ke ri winaq tinamit kakoj ri’ pa le ik’ rech diciembre ri’.

Pa le jun ya’olchajinik ri’ e k’o ri’ 35,000 chi eqa’lenelab’ rech ri wokajil ajchajil tinamit kuk’ 4,000 chi eqa’lenel chik che ri ke’al pa tijob’enik ri’, ketun kuk’ ri’ rech ketaq b’ik pa ya’olchajinik pa taq tinamit ri’, pa taq k’ayib’al, pa taq b’anow k’ayij xuquje’ pa taq le kewa’kat wiri le wa’katel winaq che ri ke’eb’in chi’ pa amaq’ tinamit ri’.

COMPARTIR