Eri PNC kuya’o achb’ilanik chi ke ri e ajtoq’il chomanik ri’

155

Eri K’amal b’e rech ri Wokajil Ajchajil Tinamit (PNC), Nery Ramos Ramos xuya’ ub’ixik che k’o jun b’anikil kuk’ rech ke’achb’ilaxik ri winaq tinamit che ketoq’in che b’anow chomanik pa we q’ij ri’, ronojel wa’ are kutaqij ukub’saxik ri winaq e aj iximulew pa le ya’talil chi ke pa joremal ub’anikil ketajin wiri’.

Are rech kakub’saxik ri ya’olchajinik kumal ri eqa’lenelab’ rech ri PNC are rech kakiya’o jun utzalaj achb’ilanik ri’ pa le b’anow toq’inik wiri’ pa taq le qas kakimol wi kib’ ri’.

Are sib’alaj rajawaxik kaya’ ub’ixik che ri eqa’lenelab’ che ri taqom pa le ya’olchajinik pa taq le molaj e ajb’anol toq’inik chomanik man k’ot k’aqb’al keqam ri’ xuquje’ are wa’ kakinimaj uwach ri ya’talil chi ke winaqilal jacha’ kataqan wi ri taqanik chi ke ri’.

“Eri qachak uj aj ajchajil tinamit are kaqakub’isaj uwach ri ya’olchajinik chi ke konojel taq ri winaqilal ri’ xuquje’ ya’talil ri’ chi ke rech kakitoq’ij ri’ man k’ot jun winaq kaq’aten kech ri’, le tzij ri’ chi ke are rech man k’ot jun winaq kab’anow k’ax chi ke ri’ rumal ri’ pa joremal kakib’ij ri kikaj kakib’ij ri’ rumal ri’ sib’alaj kechajin ri e ajchajil tinamit chi ke ri’”, xcha’ ri Ramos.

Eri patanel ri’ xuquje’ xub’an jun sik’inem chi ke ri winaq che pa joremal b’a’ ri kakich’ojij uwach rech man k’ot nik’aj chik winaq ke’ok tane’ chi kuxo’l rech kakib’ano ri ka’x jacha’ ri kakib’an ri e itzel winaq e aj iximulew ri’.

“Rumal ri’ kinya’ jun sik’inik chi ke ri winaqilal rech man kib’an b’a’ itzel ch’ojinik pa le wa’k’atem kakib’an pa joremal ri’, chkinimaj b’a’ uwach ri ya’talil chi ke ri winaqilal ri’ xuquje’ xaq makib’an ch’ojinik ri’”, xcha’ ri Ramos.

Eri Ajchajil Tinamit xaq xu’ wiri’ kukub’isaj uwach ri ya’olchajinik chi ke ri winaq pa tinamit ri’, xuquje’ are rech ketob’an chi ke ri winaq pa komonil e petinaq che utoq’ixik b’anow chomanik ri’ chakila’ b’a’ kib’ rech k’ot nik’aj chik itzel winaq ke’ok chi kuxo’l rech kakib’an k’ax ri’.

 

COMPARTIR