Eri PNC pa keb’ q’ij chik katajin che ri ya’olchajinik ub’i’ Operación Harley #GuatemalaCambia

284

Eri Wokajil Ajchajil Tinamit pa komonchak kuk’ taq ri jachakunb’al rech ya’olchajinik xuqje’ ruk’ ri Policía Municipal rech Tránsito rech Uk’u’x Nimatinamit Iximulew ri’ (PMT) xkiterne’j pa we q’ij ri’ ruk’ ri ya’olchajinik ub’i’ Operación Harley che ri xkoj ri’ pa le 24ª avenida xuquje’ calzada José Milla y Vidaurre, zona 6, are taqim kasolixik ri e ajkejach’ich’ ri’ xuquje’ rech ke’ilik we keqam kiwujil rech ub’inisaxik wari’.

Pa le nab’e taq relb’al q’ij ri’ xya’taj ub’ixik che k’o jun kejach’ich’ xchapataj ri’ rumal man k’ot uplacas reqam ri’, xuquje’ maj uwujil rech kab’inisax ri’, are wa’ utzijol xkiya’ loq ub’ixik ri q’atb’altzij ri’.

Eri jun chik utzijol are xq’axaxik pa Gabinete Criminalístico jun winaq ri’ che ri maj utzijol xq’alajin pa kemamtzij ri’ rech ri uno’jchakub’al rech tzijol kech winaqib’ MI-3 ri’.

Pa le ya’olchajinik Harley pa ronojel e k’o jun mil 837 chi ch’ich’ xe’ilotajik, k’o 41 xechap ri’ maj kiplacas, maj uwujil rech keb’inisaxik xuquje’ k’o tojb’al xkoj chi kij ri’ xuquje’ ek ‘ 509 tojb’al chik xkoj ri’ (rumal maj kiwujil ri’, rumal ok’owinaq chik uq’ij kiwujil ri’), k’o jun mil 600 wujil k’o pa saqil pa le uwachwujil pa le ch’a’wb’alil 110 xuquje’ k’o 100 no’jchakunem b’anom ri’.