Eri PNC sib’alaj e k’o pa chajinik che ri japache’ ub’i’ “Ri Gaviotas”

163

Are terenb’im kachajixik uto’ik kik’aslemal ri’ winaq e ajk’ulja che ri keraqataj chi rij taq ri Japache’ Las Gaviotas ri’, pa le zona 13 rech pa uk’u’x nimatinamit ri’, eri Ministro rech Gobernación Francisco Rivas Lara, xuya’ ub’ixik che xkoj jun nim ub’anikil ya’olchajinik chi’ k’a pa 20 q’ij wari’ are wa’ man kesax ta na’.

Pa le ya’olchajinik ri’ e taqom ri’ e 300 eqa’lenelab’ rech ri Wokajil Ajchajil Tinamit (PNC) xuquje’ ruk’ 40 radiopatrullas kek’oji chi’.

Eri taqawokajnel rech ya’olchajinik pa amaq’ ri’, xuya’ ub’ixik che kuya’ na ri ya’olchajinik chi’ xuquje’ pa taq nik’aj wokja pa uk’ux’ nimatinamit ri’, rumal ri b’anow ketajin che ub’anik ri e ajpache’ pa le katz’apib’al ri’.

 “Eri ya’olchajinik chi’ are kesax tan a k’a jumpa’ ri’ kub’ij ri Secretaría de Bienestar Social. Xuquje’ k’a kel loq pa kiq’ab’ ri ajq’atol tzij che ri karaqataj chi’, aretaq xkoj ri’ jun wa’katel q’atb’altzij chi’”, xcha’ ri taqawokajnel ri’.

Eri Rivas Lara xuya’ ub’ixik che ri eqa’lenel rech ri PNC ri’ are kachajin kech ri winaqilal keraqataj panoq chi’.

COMPARTIR