Eri PNC tajin che tob’anik ruk’ ri rulewal aretaq ketik 20 mil che’ ri’

163

Ruk’ nitz’ chomanik jacha’ “kuwaj kinwilo kache’laj pa nuk’olib’alil ri’”, “ri jun che are k’aslemal”, “eri che’laj kakiya’o uk’u’x kaqiq’ ri’”, jeri’ xkib’ij ri 45 ajtijoxel rech keb’ tijob’al rech Canalito zona 24 xuquje’ rech zona 6, aretaq xkitiko 200 chi che’ ri’, are wa’ uwach xb’antajik pa le 20 ujunab’ tajin kuk’owisaj unimaq’ij ri Wokajil Ajchajil Tinamit ri’ (PNC), are rech kutaqim ri ya’b’al tob’anik che ri rulewal ri’ xuquje’ pa le utikik ri 20 mil chi che’laj pa we amaq’ tinamit ri’.

We jun b’anow patan taqkil ri’ e are jun xe’ichb’ilan ri eqa’lenel rech ri Wokajil Jachakunb’al rech Q’atel b’anow k’ax ri’ xuquje’ rumal ri Programa rech Escuelas Seguras, ruk’ ri Q’atb’altzij pa Uk’u’x Nimatinamit ri’, kuk’ ri winaqil e ajk’ulja ri’ kuk’ ri e ajtijoxel rech ri Ja Tijob’al ib’ 615, Héctor Nuila xuquje’ ruk’ri colegio Mis Pequeños Triunfadores ri’.

Eri taq ala taq ali xuquje’ ri alab’om alitom ri’ xkiya’o ub’ixik che sib’alaj katzaqanaj kanima’ xuquje’ keki’kotik ruk’ we jun ub’anikil chak ri’, xa’rumal are wa’ kojuwa’lijsaj che utikik che’ pa le rulewal juyub’ taq’aj ri’.

Eri Justin Muñoz, ajtijoxel rech ri Tijob’al ib’ ub’i’ Hector Nuila, xub’ij che “jun che’ are kuya’ k’aslemalil ri’ xuquje’ are wa’ qas kinloq’oj in xuquje’ are sib’alaj utz chi ke ri winaq ri’ rech kab’ix chi ke kakiqupij ta ri che’laj xa’rumal are kuya’ uk’u’x kaqiq’ ri’xuquje’ are kuya’ qak’aslemal ri’”. Xcha’.

Jeri ri’, eri Daniela Martínez, xkub’isaj ub’ixik “ri’in kuwaj kinwilo k’i taq che’laj pa nuk’olib’alil ri’, pa le tijob’al wib’ ri’ xuquje’ chuwij panoq ronojel ri’, rumal k’ut ri uj aj winaq”, xcha’.

Eri Priscila Herrera, k’amal b’e rech ri programa rech Escuelas Seguras, kub’ij che we jun ub’anikil chak ri’ are ke’uto’o ri e ajtijoxel rech ke’al pa le k’isb’al k’u’x ri’, jeri’ are ri’ kuya’o tzaqnajem animaq’ chi ke taq ala taq ali, alab’om alitom kuk’ juntir e ajtijonel chi ke rech kakiloq’oj pa kanima’ kachomab’al ri qanan uwach ulew ri’.

Eri Herrera xuya’ ub’ixik che ri che’ ri’ are ketikik pa le zona 18, pa Santa Catarina Pinula xuquje’ pa zona 6, chi’ k’u ri’ ketik wi qaraj k’o 1, 500 chi che’ ri’.

COMPARTIR