Eri PNC tajin kuk’ul uwach q’ij lunes cívicos pa Nimatinamit ri’

74

Eri eqa’lenelab’ rech ri Subdirección General rech Q’atel b’anow k’ax rech ri Wokajil Ajchajil Tinamit (PNC), xkib’an pa k’i taq Tijob’al rech Tijob’enik ri’ xuquje’ pa le Wokajil Ajchajil Tinamit ri lunes cívico, are rech b’a’ kuwa’lijsaj pa kanima’ kachomab’al ri e ajtijoxel kakil loq uwach ri’, rech kakinimaj xuquje’ rech kakiq’ijij uwach pa we amaq’ ri’.

Eri ilb’anik are xb’antaj ri’ pa le rachoch ya’olchajinik pa San Marcos, pa le uq’ab’tinamit rech Tecun Umán ri’; xuquje’ k’o nik’aj ilb’anik xb’antaj chi’ rech na’tib’al uq’ij amaq’ ri’ pa le uq’ab’tinamit rech San Jorge rech ri juyub’ tinamit rech Zacapa.

Chuwach ri K’olib’al Ajchajil Tinamit rech Retalhulew ri’, eri eqa’lenelab’ xkik’owisaj ri lunes cívico ri’, eri K’olib’al Ajchajil Tinamit rech Suchitepéquez xuk’owisaj le unimaq’ij amaq’ ri’ pa Santo Domingo, pa taq le tijob’al rech tijob’enik ri’ xuquje’ jeri’ chuwach taq le comisarías ri’.

Xuquje’ eri Comisaría 11 rech Iximulew xuk’owisaj we unimaq’ij amaq’ ri’ pa le Colegio San Vicente de Paul ri k’o pa le 1ra calle B 21-21 zona 1 chi’ k’u ri’ xetatb’en wi e oxk’al (60) chi ajtijoxel rech nab’e q’attijonem ruk’ ri ukab’ q’attijonem ri’, jeri’ xok’owisax pa le Comisaría 43 pa Chinab’jul.

E pa Cubulco Baja Verapaz, eri eqa’lenelab’ xkik’owisaj we jun unimaq’ij amaq’ ri’ ruk’ kitatb’enik ri keb’ (2) eqa’lenel rech q’atel k’ax, ruk’ jun (1)  ajsolinel, kuk’ e lajuj (10) eqa’lenelab’ xuquje’ kuk’ e juwinaq waqlajuj (36) ajtijoxel rech ri Tijob’al Juan de dios Dubon xuquje’ jeri’ xb’an pa le comisaría 74 rumal k’ut chi’ xb’an le unimaq’ij amaq’ ri’ pa le subestación 74-21 rech San Lucas Sacatepéquez ri’.

COMPARTIR