Eri PNC tajin kuwok ri cholchak rech kuloq’ ri ch’ich’ rech kakoj pa le wokajil ajchajil tinamit

130

Eri Ministerio rech Gobernación k’o jun ucholchak rech ke’uloq’ 1, mil 500 chi ch’ich’ rech ri Wokajil Ajchajil Tinamit (PNC), are wa’ ri rajawaxik keloq’ik rech kakoj pa le q’atel b’anow k’ax xuquje’ pa le ya’olchajinik winaqilal ri’.

Eri unimarik kekol wi ri ch’ich’ rech ri PNC are wa’ utak’alib’al ri’ jacha’ pa kajilab’al ri eqa’lenelab’ che ke’ok che kipatan chi jujun taq junab’ ri’, rajawaxik ri’ kayak k’ak’ taq kachoch ajchajil tinamit xuquje’ rumal sib’alaj e k’i chik ri winaq tinamit rajawaxik ri’ k’o chak patan rech ya’olchajinik chi ke ri’, jeri’ ri ch’ich’ pa taq le ya’olchajinik ri’ sib’alaj tajin kejarik ri’.

Eri k’amal b’e rech Investigación Criminal (SGIC), Stu Velasco; xuya’ ub’ixik rumal ri’ k’o jun taqanik xub’an ri Ministro rech Gobernación, Francisco Rivas Lara xuquje’ K’amal b’e rech ri PNC, Neery Ramos Ramos, ri xwok uwach jun Komonb’al rech ya’el pa saqil chinaq wokajil kukoj rib’ che kiloq’ik ri ch’ich’ rech ri Wokajil Ajchajil Tinamit ri’.

Eri PNC ub’anik loq’ pa le ub’eyal ucholchak kakib’an ri’ rech keloq’ 1 mil 300 chi ch’ich’ rech ya’olchajinik ri’, ruk’ 150 pick ups, ruk’ 50 nik’aj chik ch’ich’ ri’, ruk’ oxib’ chararb’al ch’ich’ ri’, ruk’ oxib’ eqa’nib’al ja’ ri’ xuquje’ ruk’ oxib’ chik ch’ich’ rech erelwinaqil e ajchak ri’, ruk’ jun nim sachon pwaq pa ronojel ri’ are Q405 millones chi pwaqilal ri’.

Eri Velasco xub’ij che ri utaqim kachomaxik pa le jun riqb’al ib’ ri’ are rech keta’maxik ri upatanixik chinaq kaloq’ow ri ch’ich’ pa usaqilal ri’, ri pa usaqil q’atb’altzij chi rij xuquje’ rech kanimaxik ruk’ ronojel kataqon wiri’ ri taqanik ri’.

We kamik ri’ e k’o jo’ob’ chi wokajil e ajloq’ow ri’, ri k’o keb’ q’ij chi kuwach rech kakijach ri ch’ich’ kaloq’otaj kumal ri’ rech kilik we utz kib’anik ri’ ch’ich’ ri’ jacha’ ub’anik tom chi rij taq ri’.

Eri Wokajil Ajloq’ow rech ri’ k’o nim e tob’al rech xuquje’ e k’o e uno’jinelab’ rech taq pa Uwokajil ri’, jacha’ ri Fuerzas Especiales, jacha’ ri Antinarcóticos xuquje’ ri Inspectoría General, ri Reforma Policial xuquje’ ri Subdirección rech Tecnología, ri ya’talik rech kakiya’o ub’ixik ri kachomab’al chi rij taq le rajawaxik ri’ xuquje’ ruk’ ri kakipataniij chi rij ri’ rech kakinimaj jacha’ ri PNC xuquje’ rech k’o jun kiq’atanik kakiya’o ub’ixik pa q’atwujilal ri’.

Pa jun chomanik ri’ xuquje’ xesik’ix pa kiwokajil ri e ajq’axal tzijolinem ri’ xuquje’ kuk’ nik’aj chik wokajil rech kakilo we jun ub’anik che katajin pa tinamit xuquje’ ruk’ ronojel pa usaqilal ri’.

Eri wokaj e ajloq’ow ri’ e k’olik are wari’ ri Stu Velasco, are k’amal b’e rech ri komon chomanik ri’, ri Comisario Edwin Manfredo Ardiano, Taqnel rech ri Escuela Superior rech Oficiales  (ESFOP) xuquje’ ri taqanel rech taq ri Wokajil rech Chak Patanil ri’ xuquje’ ri rech pa taq Tinamit pa Uwachulew ri’.

“We jun q’axin uwach chak patan ri’ are rech kuya’o uchuq’ab’ juntir uwach ri PNC, kojtajin k’ut che uchajixik ujastaq uchokonsab’al ri wokajl ri’ xuquje’ are rech kekoj pa le ub’anikil ri ya’olchajinik ri’”, xcha’ ri Velasco.

COMPARTIR