Eri PNC xeq’atin chi ke e 27 molaj b’anol k’ax rumal toq’inik pwaqil chi ke winaq ri’

95

Ruk’ nim ch’ob’onik, no’jtzukunem ruk’ q’atel b’anow k’ax, eri k’amal b’e rech Investigación Criminal rech ri Wokajil Ajchajil Tinamit (PNC), Stu Velasco, xuya’ ub’ixik che pa le 2017 e k’o 27 molaj b’anol k’ax xeq’atexik rumal xkib’an toq’inik pwaq chi ke ajk’ayib’, chi ke winaq xuquje’ chi ke e ajchoq’e ch’ich’ rech erelwinaq ri’.

Velasco xuya’ ub’ixik che k’o 600 winaq kichapom chik rumal toq’inik pwaq xkib’an chi ke winaq e aj iximulew ri’ ri ruk’ tijow chuq’ab’ kakik’am na b’ik ya’ol joremal pa taq kachoch ri e utz taq winaqilal ri’.

“Pa le junab’ 2017 ri’ e k’o 70 molaj b’anol k’ax chi ke e 27 ri’ che ri k’o pwaq xkitoq’ij chi ke ri’ rumal ri’ e k’o 600 winaq xkichap ri’ e k’o chi ke ri’ e achalal xuquje’ e k’o kachalal taq winaq rech molaj b’anol k’ax ri’”, xcha’ ri Velasco.
K’ a te ri’ kanoq xb’antaj kowinem xchap ri Walter Estuardo Sinay Hernández, alias “La Belleza”, 23 ujunab’ ri are kab’ixik uwinaq ri jun molaj b’anol k’ax xuquje’ k’amal b’e rech ri jun molaj b’anol k’ax ub’i’ Lttle Psyco b’anol k’ax rech ri mara 18, pa le Sección G, Lote 69 colonia El Milagro, zona 6 rech Mixco.

Jeri’, eri Wokajil rech Q’atel rech ri molaj b’anol k’ax ub’i’ (DIPANDA), pa komonb’al ruk’ ri División Especializada rech Investigación Criminal (DEIC) ri eqa’lenelab’ rech ri Wokajil Ajchajil Tinamit (PNC) xuquje’ ri Ministerio Público (MP), pa Chimaltenango  xkichap wiri’ a Ángel Gabriel Reyes Marroquín alias “ri saq” kab’ik che are xresaj b’ik rib’ pache’ pa Boquerón ri’ xuquje’ are kab’ixik k’o k’iyalaj taq kamisanik xub’an ri’ xuquje’ ri uwinaq ri Molaj b’anol k’ax kab’ix chi ke ri’ Locos rech ri Mara Salvatrucha.

Eri k’amal b’e rech ri Wokajil chi rij ub’anikil Criminal ri’, Stu Velasco, xuya’ jun sik’inik chi ke ri winaq e aj iximulew rech chakiya’ loq ub’ixik pa q’atb’altzij ri winaq k’o k’ax tajin kakib’an ri’ rech kechapik.

COMPARTIR