Eri PNC xub’an chak rech q’atel b’anow k’ax kuk’ e ajtijoxel pa Jutiapa

124

Eri Wokajil rech Q’atel K’ax uq’ab’il ri Wokajil Ajchajil Tinamit rech Jutiapa k’o nim chak xkib’an kuk’ ri ak’alab’ taq ala ali xuquje’ ruk’ ri alab’om alitom pa taq le kik’olib’alil ri winaqilal rech pa juyub’ tinamit ri’ rech kepixb’axik rech kakitij ta wan kunb’alil xuquje’ rech ke’ok taq kuk’ b’anol k’ax ri’.

Eri chak rech q’atel k’ax ri’ are katajin reta’maxik pa taq tijob’al ri’ rumal are xkita ri k’amal b’e chomanik rech ri Q’atb’altzij Tijonem pa Tinamit, rumal k’o rajawaxik chi ke ri ak’alab’ chi’ kuk’ ri alab’om alitom ri’, xcha’ ri Oficial Edgar Juárez, Taqanel rech Q’atel rech ri PNC.

Eri Rajawtzij ri’ xkitaq tob’anik chi ke eqa’lenelab’ rech ri PNC rech ke’opan pa taq le tijob’al ri’ pa le uya’ik utzijoxik chi rij taq ub’anikil q’atel k’ax ri’, pa le Aldea Las Animas, rech ri uq’ab’tiinamit rech Asunción Mita, Jutiapa, chi’ k’ut xk’ulmataj wi jun k’ax rumal chi’ k’o katji wi ri awan kunb’alil ri’ xuquje’ eri ak’alab’ chi’ keniman ta chik ri’ rech ri tijob’al rech Telesecundaria.

Rumal ri’ xb’an jun nim pixb’anik chi ke ri k’amal b’e komon winaqilal ri’ xuquje’ eri q’atb’altzij rech ri Taqawokajnem rech Tijonem, are rech kepixb’an chi ke ri e ajtijoxel chi’ rech kakib’an taq k’ax ri’ xuquje’ rech kakitij taj ri awan kunb’alil ri’.

“Eri kopanb’alil ri’ are rech xakiya’o ub’ixik ucholaj chi ke ri ak’alab’ alab’oma alitom ri’ rech ke’ok ta kuk’ ri b’anol k’ax xuquje’ rech uq’atexik ri b’anow k’ax ri’”, xcha’ ri jun Oficial Juárez.

Chanim k’ut are katajin uchakuxik rech kawok uwach ri Nimkomonb’al rech q’atel k’ax, kuk’ ri nan tat ri’, kuk’ ri winaq e Komonb’alil rech Uk’iyemal ri COCODE, ruk’ ri Taqanel rech ri Subestación rech ri PNC, xuquje’ kuk’ ri molaj rajawtzij rech ri Wokajil rech Q’atel k’ax pa Komon Winaqilal ri’ UPCV.

“Eri rajawtzij rech ri q’atel k’ax ri’, e are keqapixb’ej na, keqak’uttijoj xuquje’ keqachb’ilaj ri’. Rech pa junamil kujk’oji pa we chakunem ri’, rech pixb’anik xuquje’ rech tijob’enik, jeri’ kuk’ taq ri ak’alab’, rech kakina’o che k’o ya’olchajinik chi ke xuquje’ rech pa komon kujchakun kuk’ ri’”, xcha’ ri Oficial Juárez.

We jun molaj ri’ are k’o nim kupatanij ri’ rumal k’ut pa komon ketijox ri’, xuquje’ are rech kakilo man xaq ta ri’ ri q’atb’altzij e rajawtzij rech ri ya’olchajinik ri’, ketijox che konoel k’ut kekowinik ketob’anik rech kaq’atexik ri b’anow k’ax kumal ri ak’alab’ alab’om alitom pa jun kijaqib’al winaq ri’.

Xuquje’ pa Jutiapa xkoj ri’ jumulaj uwach taq cholchak pa taq le Tijob’al chi’, jeri’ pa le Programa rech Tijonem xuquje’ rech tijob’en ib’ rech man k’ot jun ke’ok tane’ ku’ ri molaj b’anol k’ax (G.R.E.A.T., ub’i’ pa inglés tzij), chi’ k’u ri’ e k’o 500 chi ajtijoxel ri’, rech kepixb’axik taq ali ali xuquje’ alitom alab’om ri’, k’o chokonsab’al ya’tal ri’ rech kakito’o kib’ aretaq kab’an b’iw b’anow k’ax chi ke xuquje’ rech keqaj pa taq kaq’ab’ ri nik’aj mola b’anol k’ax xuquje’ k’o ri’ ri programa “Policía Tu Amigo”, are ya’tal chi ke e ajtijoxel rech nab’e q’attijonem, rech ukab’ q’attijonem xuquje’ rech urox q’attijonem, are wa’ rech k’o jun chomanik kakib’an kuk’ e ajtijoxel ri’ rech kakub’ kik’u’x chi ke ri q’atb’altzij xuquje’ rech kakilo eri eqa’lenelab’ pa kiwokajil e utz taq winaq ri’.

COMPARTIR