Eri PNC xub’an kanimaq’ij ri ixoqib’ ri’

Ruk’ utatb’enik chi’ ri K’amal b’e Erwin Rolando Tzi Juárez, eri K’amal b’e Rony Espinoza xuquje’ ri ukab’ k’amal b’e ri’ xuk’owisaj kanimaq’ij ri Ixoqib’ pa Uwachwulew ri’, pa le rachoch rech ri Club’ kech Oficiales, k’o pa zona 6 pa uk’u’x nimatinamit ri’.

Pa le nimaq’ij ri’, xetatb’enik ri k’amal b’e rech ri nimawokajil, ri xkik’am retal uq’ab’il ri’ xuquje’ xkimaltyoxij ri chak b’anom kumal ri e ixoqib’ e ajchajil tinamit, rumal ri kchak kib’anom ri’ ruk’ loq’ nimantzij xuquje’ ruk’ nim keta’mab’al ri’, xuquje’ are xkajmax rilik ri’ rech pa le katzuqik ri kalk’uwal, kinan tat xuquje’ ri kalaxik ri’.

We kamik, eri Wokajil Ajchajil Tinamit ri’ e k’o 6,200 chi ixoqib’ che ketajin pa chak chi’, ri e are ri’ pa ronojel q’ij kiya’om kib’ pa k’ax, rumal kachajixik xuquje’ kanimaxik ri winaqil e aj iximulew ri’.

Pa le ilb’anik rech kanimaq’ij ri Ixoqib’ pa Uwachulew, k’o jumulaj uwach taq achib’al kech ixoqib’ e ajchajil tinamit xkojik kech ri e xekam b’ik rumal e k’o pa chak patan ri’, xuquje’ chi’ xtatb’en wi ri Hytzell Johana Mayorga Navas, “Niña Directora General 2016-2017” ri xk’oji che rachib’al ri wokajil ajchajil tinamit ri’ le xk’oji pa taq le jalajoj uwach ilb’anik xb’an ri’.