Eri PNC xuchapo jun b’anol k’ax ub’i’ “El Pulga” taqanel rech pandilla Barrio 18

218

Eri Ministerio rech Gobernación xuya’ ub’ixik pa sábado ri’ che xb’antaj kowinem xchapataj ri jun a Brayan Inés Gámez Reyes, alias “El Pulga”, ri kuk’am utaqanik ri jun chik ub’i’ Aldo Dupie Megia Ochoa, alias “El Lobo”, taqanel rech jun pandilla ri’. Eri e are ri’ xchapatajik pa jun nimalaj oqatanik xb’an che kumal eqa’lenel rech ri División Especializada rech Investigación Criminal (DEIC), rech ri Wokajil Ajchajil Tinamit uq’ab’ ri Mingob ri.

Eri ri are ri’ xchapatajik kumal ri wokajil ajchajil tinamit pa le keb’ ja pa rescidencial Jardínes del Norte, zona 18. Chi’ k’u ri’ xchap wi ri Mayra Adina Martínez Popol, 48 ujunab’ ri’.

Eri e are ri’ xtaq kichapik pa taq le 24 rech febrero 2018, rumal q’atb’altzij rech q’atel awan kunb’al, rumal ri’ k’o tzukno’jchak xb’an chi rij ri’.

Xuquje’ man xaq ta ri’ xechap ri keb’ winaq ri’ xuquje’ k’o jun raqarik k’aqb’al AK-47, jun subametralladora, jun raqarik k’aqb’al M16, jun alaj k’aqb’al calibre 45 mm, ruk’ uk’olib’al ub’aq’ xraqataj ri’, ruk’ keb’ pajb’al rech cocaína, ruk’ nik’aj chik jastaq xraqataj ri’.