Eri PNC xukoj je’lal ya’olchajinik pa taq b’anow toq’inik chomanik ri’

141

Eri Wokajil Ajchajil Tinamit (PNC) k’o jun loq’ ya’olchajinik kukoj ri’ pa taq le cholb’inik pa joremal utoq’ixik b’anow chomanik ri’ are ri’ ri kakojik aretaq katotajik wexa’ k’o jun sik’ib’al ib’ kab’anik rech pa joremal b’anow toq’inik chomanik ri’ pa tinamit.
Eri b’anol ya’olchajinik ri’ pa joremal utoq’axik b’anow chomanik kumal winaq tinamit ri’ are rech b’a’ kakub’isax kachajixik ri winaqilal ri’, rech k’o ya’olchajinik chi ke xuquje’ rech e tzoqopital keb’inik ri’ rumal are ri’ ya’talil chi ke ri’.

Eri K’amal b’e rech ri PNC, Nery Ramos Ramos, xuya’ ub’ixik che xwok jun ub’anikil rech ya’olchajinik jacha’ le ub’antajil ri ub’anikil ri toq’inik b’anow chomanik chi ke ri q’atb’altzij kumal ri winaq tinamit ri’, chi’ k’u ri’ che kek’oji wiri’ e k’o ajchajil tinamit ketaq ri’ chi’ maj k’aqb’al keqam ri’ rech man k’ot k’aqanik sakanik kakib’an chi ke ri winaq tinamit ri’.

Eri’ wokajil ajchajil tinamit ri’ k’o keb’ uwach ya’olchajinik kub’an ri’ chi ke ri winaq are rech ke’uchajij xuquje’ rech maj uq’atexik kib’e ri’ kab’an ri’ chi ke.

“Jacha’ b’a’ kutaq wi ri Corte rech Constitucionalidad (CC) eri qachak patan ri’ are rech kaqakub’isaj kib’inik kiwa’katik ri winaqilal ri’ xuquje’ rech majun ta kaq’aten kib’e aretaq keb’inik kewa’kat ri’”, xcha’ ri Ramos Ramos.

Rumal k’ut ri jacha’ k’a te ri xq’axik ri’ eri e Ajchajil tinamit ri’ are xerilo nikpa’ chi winaqil xe’opan pa le uk’u’x nimatinamit ri’, are wa’ xub’ano rech ub’anikil ya’olchajinik kub’ano are kurilo nikpa’ kakitij ri PNC ri’, wa’ tzijol ri’ man kak’amataj taj ruk’ tane’ xaq jun ajilanem ri’.

Eri K’amal b’e xub’ij che ki’kotemal che ri are ruk’ ri chak patan xkib’an ri eqa’lenelab’ ri’ pa taq le uq’ij ri uch’ojixik toq’inik b’anow chomanik chi ke ri q’atb’altzij kumal taq ri winaqilal ri’ xuquje’ are xurilo che ri winaq tinamit ri’ sib’alaj xkinimaj xkiloq’oj ri kichak patan ri wokajil e ajchajil tinamit ri’.

“Sib’alaj qas nim kiq’ijol b’a’ rumal pa joremal k’o ri xta ri’, k’o jun loq’ nimib’al xilotaj chi kuwach ri winaq kuk’ ri wokajil e ajchajil tinamit ri’, are wa’ qas utzalaj rilik xkib’an chi kuwach ri’, qas xetzijon chi kuwach xuquje’ utz xkil kib’ ri’. Are la’ le PNC rech konojel ri winaq tinamit e aj iximulew ri’ ri e k’olik rech kakinimanik xuquje’ ketob’anik pa ronojel q’ijol ri’”, xcha’ ri Ramos Ramos.

COMPARTIR