Eri PNC xuya’ ub’ixik: xechapataj nik’aj ajchajil amaq’ ojer kanoq rumal k’o kamisanik kib’anom ri’

131

Eri e ajchajil tinamit kuk’ ri q’atoj tzij rech ri Ministerio Público (MP) e kajlajuj winaq kib’anom kamsanik ojer xkichapo are k’ut jun chi ke ub’i’ Manuel Benedicto Lucas García pa jun nim tzukunem xb’antajik ri xtaq loq kichapik rumal ri jun q’atoj tzij pa nimatinamit xuquje’ pa Alta Verapaz rumal k’o k’i winaq xkisach xkikamisaj k’ut pa le junab’ 1981 – 1986 ri’.

Eri Carlos Lemus, k’amal b’e rech ri Wokajil Ajchajil Tinamit (PNC), xuya’ utzijol pa nim ya’oltzijolinem che k’o 29 chi tzukunik xb’antaj kumal e 400 eqa’lenelab’ chajinik kuk’ e 40 autopatrullas rech xkib’an ri chapanem ri’.

Eri nik’aj exmilitares xechapatajik ri’ e are k’ut: a Edgar Rolando Hernández Méndez, xk’oji che Comandante pa le zona militar no. 21; kuk’ nik’aj chik taqanel kib’i’ ri’ a Juan Ovalle Salazar, xk’oji che Comandante rech batallón; a Byron Humberto Barrientos Díaz, are ex jefe rech ri Sección rech Inteligencia; a Ismael Segura Abularach, a Pablo Roberto Saucedo Mérida, a César Augusto Ruiz Morales, a José Antonio Vásquez, a Manuel Antonio Callejas Callejas, a Gustavo Alonzo Rosales García, a Hugo Ramiro Zaldaña Rojas, a Francisco Luis Gordillo Martínez, a Carlos Humberto Rodríguez López xuquje’ a Edilberto Letona Linares.

Nota: Wendy Álvarez
Fotos: Alberto Galiano

COMPARTIR