Eri PNC xuya’ utzijol che k’o winaq xe’uchapo rumal poq’san pwaqil maj pa usaqil ri’

334

Eri Q’atb’altzij rech ri Wokajil Ajchajil Tinamit (PNC), xuya’ utzijol che e k’o oxib’ winaq xe’uchapo rumal poq’san pwaqil maj pa usaqil pa le Q’atb’altzij rech Palencia, chi’ k’u ri’ xkeleq’aj wiri Q. 500,000 pa le upatanil jun empresa ajyakon ja, chi’ k’ut xkesaj wiri’ pa taq cheques ri’.

Rumal ri’ xunimaxik rech xechapol e oxib’ winaq ri’ kab’ixik eri kimak are b’anow elaq’ xkib’an pa q’atb’altzij rech Palencia e are wari’: a Boris Omar Salazar Herrera 42 ujunab’, a José Estuardo Armiro Xuruj 45 ujunab’ xuquje’ a Julio César López Montenegro 69 ujunab’ xuquje’ a Oscar Adolfo Ramírez Gramajo 41 ujunab’ ri’.

Eri Pablo Castillo, ajtzijol rech ajchajil tinamit, xuya’ ub’ixik che ri ya’olchajinik ri’ are xchomaxik aretaq xkilo jawchi’ karaqataj wi kachoch nik’aj b’anol k’ax ri’ rumal ri’ k’o ya’olchajinik xkib’an chi ke ri’ rech xechap ri’.