Eri POLIMERC kub’ij: “eri winaq kakina’o ke’menil aretaq kepe chi’ che uloq’ik kijastaq”

177

 

K’o k’iyalaj taq uwach ri jastaq kek’ayix ri’ xuquje’ pa ki’kotemal eri e ajk’ay kek’ayin ri’, jeri’ pa le kib’antajil e k’o pa mercado Sur II, k’o pa le 17 xuquje’ 18 calle xuquje’ 6ta avenida rech ri zona 1, chi’ ri qas k’o wi’ ya’olchajinik kumal ri Wokajil Ajchajinelab’ rech Mercados (POLIMERC), rech ri Wokajil Ajchajil Tinamit (PNC), pa le nab’ejsab’al q’atel k’ax ri’.

“Rumal k’ut keraqataj ri e ajchajil tinamit chi’ k’o utzilem chaqe ri’, k’a xepe ri’ che ya’olchajinik chaqe chi’ e k’iyalaj taq winaq chik e petinaq che uloq’ik kijastaq chi’2, xcha’ ri Adela García, ajk’ay ri are chi’.

Eri chak katajin kumal ri e ajchajil tinamit ri’, k’o ya’olchajinik ketajin che ub’anik pa taq 105 mercados rech pa uk’u’x nimatinamit, ruk’ uwa’katexik ya’olchajinik rech q’atel k’ax ri’ xuquje’ k’o tzukunik kakib’an chi ke ri winaqil, chi ke ri ch’ich’ xuquje’ chi ke ri kejach’ich’, ruk’ ukojik ri chakub’al rech ilob’al retal uwi’q’ab’aj ri’.

Jeri’ sib’alaj ketajin che ya’olchajinik chupam xuquje’ chi rij taq ri mercado ri’, pa taq le ya’olchajinik ri’ sib’alaj kakitzijob’en kuk’ ri e ajk’ay xuquje’ ri e ajloq’ow chi’, rech pa joremal kek’oji juntir ri’.

“K’o tzijob’enik chomanem kaqab’an kuk’ juntir le winaq chi’, rech kaqilo man k’ot jun chi ke kab’an k’ax chi ke kumal nik’aj b’anol k’ax xuquje’ kaqatzijob’ej che k’o rajilab’al ch’a’wb’alil rech kakiya’ loq ub’ixik wexa’ k’o k’ax kab’anik kakilo ri’” xcha’ ri eqa’leenl Edwin Pivaral.

Eri POLIMERC are xuk’utan pa le 17 rech octubre rech 2007 xuquje’ we kamik ri’ e k’o chik e 300 reqa’lenel e ajchajil tinamit ri’, e k’o e 40 chi ke e ixoqib’ ri’.