Eri puqil ajchajinelab’ e ajq’atel winaq keleq’axik e k’o 68 ajb’anol kakeleq’aj wianq xkichap ri’

191

Ruk’ chuq’ab’il, kub’sib’al k’u’x xuquje’ ruk’ eta’mab’alil eri eqa’lenelab’ rech ri Comando Antisecuestros xuquje’ ruk’ ri Fuerza de Tarea rech ri Ministerio rech Gobernación xekowinik xkiq’atij pa 2017 a 9 molaj e ajb’anol k’ax ri’ che ri kakeleq’aj winaq ri’ e k’o 68 chi winaqil ri’ xekowinik xkichap ri’ kab’ixik e eri xkichapo e achalal chi kuwach ri nik’aj b’anol k’ax ri’, pa komonchak ri’ xb’antaj kowinem xto’ kij ri winaq rech maj b’anow k’ax chik chi ke, jeri’ xuya’ ub’ixik ri Subdirector General rech Investigación Criminal rech ri Wokajil Ajchajil Tinamit SGIC-PNC), Stu Velasco.

Eri b’anow tzukunem ya’olchajinik ri’ are kichak ri sak’ajil ajchajinelab’ ruk’ ub’eyal ri ya’olchajinik che ri xb’antaj kumal ri eqa’lenelab’ ri’ pa ub’eyal komonchak rech xkikub’isaj uwach kik’aslemal ri winaq ri’ che ri e k’amom b’ik kumal nik’aj b’anol k’ax, xcha’ ri Velasco, ri qaraj e nan tat, e alaxik, e achalal chi kuwach ri’ xuquje’ qaraj e winaq keta’m kuwach ri’.

“Eri cholupamtzij ri tzukum rij ri’ are k’o nim kupatanij rumal k’ut ruk’ wa’ eri jumulaj e ajchajinelab’ ri’ are kuya’ kichuq’ab’ rech kakiq’atij jun b’anow k’ax ri’. Rumal ri’ ruk’ ri sak’ajil chajinik ruk’ ri tzukno’jchak chi kij b’anol taq k’ax kamisanik ri’ are k’o nim q’alajisanik ub’anom ri’ xuquje’ ruk’ wa’ e k’o ri’j winaq xuquje’ ak’alab’ e esam pa k’ax ri’,” xcha’ ri Velasco.

Eri subdirector General, xuya’ ub’ixik che katajin uk’amik uq’ab’il k’ak’ taq chak chi rij wari’, “rumal eri’ eri eqa’lenelab’ kakiterenb’ej katijob’exik ri’ ruk’ ri k’isb’al uwach no’jb’anikilem ri’, ri ya’olchajinem tzukunik xuquje’ eri ub’eyal ya’olchajinik ri’ are k’o utzalaj taq uwach uya’om pa saq ri’, rumal k’ut ri utzalaj chak b’anom kumal ri ajchajil tinamit ri’”, xcha’.

Pa le jalb’al junab’ ri’

Pa le ik’ rech enero e k’o 11 chi winaqil xechapik rumal releq’axik winaq xkib’an ri’ rech xkitoq’ij pwaq chi kij ri’ xuquje’ k’o uwach chi rij ri jun b’anow nim elaq’nik xb’an pa jun ch’ich’ rech erelwinaq ri’.

Rumal ri’ kab’ixik e k’o e itzel winaqilal rumal k’o kik’as kaminom kib’ pa le 14 b’anow k’ax ri’ rumal ri’ e k’o kajlajuj e chapom chik chi rij ri’, xcha’ ri Velasco.

Pa k’isb’al rech eri q’atb’altzij kakib’an jun sik’inem chi ke ri winaq tinamit rech kakub’ kik’u’x chi ke ri comando antisecuestros rumal k’ut k’o jun keta’mab’al kik’amom chi rij kesaxik winaq pa kiq’ab’ b’anol k’ax ri’ xuquje’ pa le e elaq’am wiri’.