Eri q’atb’altzij rech Gobernación xkikub’isaj ub’ixik che qastzij b’a’ k’o ya’olchajinik winaqil kab’an ri’

64

 

Eri Viceministro rech Seguridad, Luis Enrique Arevalo, xkiya’o utzijol che qastzij b’a’ k’o ya’olchajinik winaqilal kab’an pa taq le q’ij ri’ chi uxe’ qas ri Nimaq’ij rech Cha’onem pa Amaq’ 2019.

Eri kaqaj uj eri winaqilal e aj iximulew sib’alaj pa kub’sib’al k’u’x kek’oji ri’ rumal le’ are sib’alaj kaqanimaj uwach ri keb’ uwach b’anoj patan ri’ xuquje’ kojkowin ri’ rech kujtob’an chi ke we jeri’ rajawaxik ri’”, xcha’ ri Arevalo.

Jeri’ eri taqawokajnel ri’ xub’ij eri uk’u’x b’anoj chajinik ri’ are qas kak’oji ri’ pa le Dirección General rech ri Wokajil Ajchajil Tinamit chi’ k’u ri’ kakimol wi kib’ ri e ajtaqanelab’ ya’olchajinem ri’.

Rumal k’u ri’ are xemolin kuk’ ri k’amal b’e rech ri 27 comisarías e k’o pa we amaq’ rech ya’el uchuq’ab’ ri nab’ejsab’al q’atel k’ax ri’ xuquje’ rech k’o ya’olchajinim pa le q’ij domingo 16 rech junio ri’.

Chi’ k’u ri’ eri viceministro Arevalo, xub’ij che ri taqim ri’ are rech b’a’ eri k’amal b’e ya’olchajinik e ilol rech ri’, qastzij b’a’ kakiya’o kanima’ kachuq’ab’ che ub’anik ri ya’olchajinik chi ke ri winaqil pa tinamit ri’.