Eri q’atb’altzij xek’oji pa jun Aq’ab’il Wa’im rumal ub’antajil ri Joremal

167

Pa kajib’ junab’ chik ri’ eri q’atb’atlzij rech ri taqawokaj ri’, pa kiwokajil ri e ajpoq’sal meb’il pwaqil ri’, ri komon winaqilal, ri komontyox xuquje’ pa kiwokajil e ajno’jchakunelab’ ri’ xemolin k’ut rech xetatb’enik pa le Aq’ab’il Wa’im rumal uq’ijol ri joremal pa Iximulew 2017.

Pa le ilb’anik ri’ xtatb’en wi ri Ministro rech Gobernación, Francisco Rivas Lara, ruk’ ri nima k’amal b’e amaq’, Jimmy Morales xuquje’ ri  Ministros rech pa Taqawokaj ri’, ri xkiya’ kitzij rech kechakun pa ub’anik utzil pa Iximulew ri’.

Pa we junab’ ri’ xetatb’en chi’ e oxib’ e ajtzijonelab’ kepe naj, Ken Buck, are Congresista rech ri Estado rech Colorado; ri David Beasly, CEO rech ri Programa Mundial rech Alimentos rech ri Naciones Unidas xuquje’ ri Tony Hall, oxib’ mul okinaq che ajch’akol ri Premio Nobel de la Paz xuquje’ ri ex congresista rech ri Estado rech Ohio.

Ruk’ jun loq’ ub’ixik tzijonem rech pa achalalil xuquje’ pa junamil, eri e ajtzijonelab’ e rech naj ri’ pa le katzijonik xkiya’ ub’ixik ri kik’aslemam jacha’ pa taq le b’anow ch’a’b’al rech xuk’ex kik’aslemal ri’ xuquje’ rech xkita chi ke ri winaq e aj iximulew ri’ rech kechakunik pa le uyakik uwach ri joremal pa we amaq’ ri’ xuquje’ rech kachupsax ri wi’jal ruk’ ri maj tijow rikilem ri’.

Pa le utzij xuya’ ri Ministro Rivas ri’ xub’an jun sik’inem chi ke ri e ajchak pa tinamit ri’, chi ke jujun winaq e aj iximulew ri’, rech kaya’o b’a’ kanima’ kiq’ijnik che Qajawaxel Chikaj xuquje’ xub’an jun nim tzijonem rech uchomaxik ri q’atenik b’anow k’ax ri’ pa tinamit.

Eri Ministro Rivas xya’taj b’a’ che rech xujach pa uq’ab’ ri K’amal b’e Morales, ri xuya’ utzij rech kuya’o tob’anik ri’ xuquje’ rech kuto’ uwach ri chak che ri katajin pa uya’ik utzilem pa we amaq’ ri’.

“Eri Nima K’amal b’e Morales are jun achi’ ri’ che ri uk’amom kib’e ri junamil pa we amaq’ ri’, nim b’a’ ukojinik ri’, are nim achi’ k’o nim pixb’anem uk’amom pa uk’aslemal ri’ rumal ri’ tajin che uk’amik ub’e tinamit ri’ rumal uya’om jun utz b’anow pa uk’aslemal ri’”, xcha’ ri Rivas.

Eri K’amal b’e amaq’ Morales pa le utzij xuya’o xe’usik’ij b’a’ ri junamil ri winaq ri’, rech kachomax uq’atexik ri wi’jal ri’, ri b’anow k’ax ri’, man xaq ta ukujel ri are kuchomaj ri’.

Xuquje’ xuya’ jun nim pixb’anik chi ke ri e ajchak patanel pa tinamit ri’ rech kuya’ uchuq’ab’ iwanima’ ri’ xuquje’ rech ruk’ iwanima’ kixchakun b’a’ che ya’on tob’anik pa we amaq’ ri’ xuquje’ xuki’kotirsaj ri eqa’lenel e ajchajil tinamit che ri kiya’om kanima’ pa le chak patan pa we amaq’ ri’.

COMPARTIR