Eri q’atb’altzij xkikoj kotz’i’j pa uwi ri Muqib’al rech ri Wokajil Ajchajil Tinamit

346

Le muqb’al rech ri Wokajil Ajchajil Tinamit pa le Nima Muqib’al rech uk’u’x pa nimatinamit ri’, eri Viceministro Antinarcótico, Oscar Dávila Mejicanos kuk’ ri taqanel rech ri wokajil ajchajil tinamit ri’, xek’oji pa jun nim ilb’anik ri’ rech xkoj wi kotz’i’j rech na’tibal kech ri eqa’lenel rech ri PNC che ri xekamik pa le unimaxik uwach kichak patan ri’.

Pa le ilb’anik ri’ xok’owisaj ri 20 ujunab’ chik alaxinaq ri Wokajil Ajchajil Tinamit ri’, are wari’ jun wokajil che tajin kachakunik pa le ya’olchajinik chi ke ri winaqil ruk’ kimeb’ilem ri’ e aj iximulew ri’ jeri’ pa ronojel taq q’ij pa taq ri kik’aslemalil ri’.

Rumal ri’ eri viceministro Dávila xub’ij che ri PNC are tz’aqat che kuk’am jun na’tib’al ri’ pa le ukojik ri kotz’i’j pa uwi’ kimuqib’al ri ajchajinelab’ ri xekamik ri’ rumal ketajin che unimaxik kichak patan ri’ aretaq xekam ri’.

“Chi’ pa taq le muqib’al ri’ e muqum wi ri loq’ taq eqa’lenel che ri xkiya’o kik’aslemal rumal qachajixik ri’, achijab’ xuquje’ ixoqib’ ri’ che ri xkitij kichuq’ab’ che ri ya’olchajinik chaqe ri uj winaq aj iximulew ri’ le xa’rumal k’ut pa amaq’el ri’ kena’taj chaqe uj ri’”, xcha’ ri Rivas ri’.

Pa uk’exel ri K’amal b’e rech ri PNC, Nery Ramos Ramos, xtatben wi ri K’amal b’e kech Ajchak ri’, Víctor Manuel Chocoj Tiul,ri xuya’o ub’ixik che pa jun jamalil ri’ are xloq’ox uwach kichak kipatan ri eqa’lenel rech ri PNC ri’, che ri xkiya’ kib’ pa kamikal ri’ rumal xek’oji pa le ya’olchajinik chi ke taq ri winaq ri’.

“We kamik ri’ kaqach’apalej jun ch’ab’al chikaj chi rij ri e ajchajil tinamit ri’ e utz taq ajk’uta’n pa le komon winaqil ri’, rech pa amaq’el kek’oji pa taq qachomab’al pa taq qanima’ ri’, jacha’ tane’ jun echb’alil che ri xek’asab’ ri’ xuquje’ xekam ri’ pa le uya’ik ri’ jun utzalaj ub’anikil uwachulew ri’”, xcha’ ri Chocoj.

Eri tatb’enelab’ chi’ k’o jun minut kajb’al man tzij xkib’ano rech te k’u ri’ xkitzaq kajib’ k’aqanik ri’ ruk’ raqarik k’aqb’alil kumal ri eqa’lenelab’ rech ri Wokajil rech taq ri Fuerzas Especiales DIFEP, rech na’tib’al kech ri e 45 chi eqa’lenelab’ rech ri wokajil ajchajil tinamit ri’ che ri xkiya’ kik’aslemal xekamik ri’ xuquje’ kuk’ ri e 1,600 chi eqa’lenelab’ che ri xekam pa le uwach 20 junab’ ri’ k’a xtikitaj ri wokajil ajchajil tinamit ri’.

COMPARTIR